இது தொடர்பாக அவர் பேசியதாவது: இந்த வெற்றி மிகவும் அற்புதமாக இருக்கிறது. இந்த மாதிரியாக விளையாடுவதுதான் எங்களுக்கு பொருத்தமாக இருக்கிறது. இது பேட்டிங் செய்வதற்கு நல்ல ஆடுகளம். ஒரு ஓவருக்கு 10 ரன்களுக்கு குறைவாக கொடுத்தால், ஒரு பந்துவீச்சாளராக நீங்கள் மகிழ்ச்சியடையலாம். அபிஷேக் சர்மாவின் பேட்டிங்குக்கு நான் மிகப் பெரிய ரசிகன்.
அதிரடியாக விளையாடும் எங்களது அணுகுமுறையை மாற்றப் போவதில்லை. எங்களது திறன் மீது நம்பிக்கை இருக்கிறது. ஹைதராபாத் அணியின் ரசிகர்கள் மிகுந்த உற்சாகமளித்தார்கள். அவர்கள் அணிக்கு ஆதரவு அளிப்பது நம்பமுடியாத விதமாக இருந்தது. அவர்கள் எப்போதும் சன்ரைசர்ஸ் அணியின் கொடியினை அசைத்து எங்களை உற்சாகப்படுத்தியது எங்களுக்கு ஊக்கமளித்தது என்றார்.
