சர்வதேச கிரிக்கெட்டில் ஜிம்பாப்வே அணியில் அறிமுகமாகியுள்ள பென் கரணுக்கு அறிமுக தொடர் அசத்தலானதாக அமைந்துள்ளது.
சர்வதேச கிரிக்கெட்டில் ஜிம்பாப்வே அணிக்காக பென் கரண் அண்மையில் அறிமுகமானார். அவர் ஆப்கானிஸ்தானுக்கு எதிரான ஒருநாள் தொடரின்போது, ஜிம்பாப்வே அணியில் அறிமுக வீரராக களமிறங்கினார். ஆப்கானிஸ்தானுக்கு எதிரான டெஸ்ட் தொடரில் அவர் டெஸ்ட் போட்டிகளிலும் அறிமுக வீரராக களமிறங்கியுள்ளார்.
ஆப்கானிஸ்தான் மற்றும் ஜிம்பாப்வே அணிகளுக்கு இடையிலான முதல் டெஸ்ட் போட்டி இன்று (டிசம்பர் 26) தொடங்கியது. இந்தப் போட்டியில் முதல் இன்னிங்ஸில் விளையாடி வரும் ஜிம்பாப்வே அணி, முதல் நாள் ஆட்டநேர முடிவில் 4 விக்கெட்டுகளை இழந்து 363 ரன்கள் எடுத்து வலுவான நிலையில் உள்ளது.
