பிப்.15 முதல் 24 வரை காசி தமிழ் சங்கமம்: சென்னை, குமரியில் இருந்து சிறப்பு ரயில்கள் இயக்கம் | Special trains run from Chennai to kanyaKumari

1349183.jpg
Spread the love

சென்னை: காசி தமிழ்ச்சங்கத்தை முன்னிட்டு, சென்னை, கோவை, கன்னியாகுமரியில் இருந்து பனாரஸுக்கு சிறப்பு ரயில்கள் இயக்கப்படுகின்றன.

காசி தமிழ்ச்சங்கம் 3-ம் ஆண்டு நிகழ்வு பிப்.15-ம் தேதி முதல் 24-ம் தேதி வரை நடைபெறுகிறது. இதில் பங்கேற்க வசதியாக, சென்னை சென்ட்ரல் – பனாரஸ் இடையே (வண்டி எண்.06193) பிப்.13-ம் தேதி சிறப்பு ரயில் இயக்கப்படுகிறது. மறுமார்க்கத்தில், பனாரஸில் இருந்து சென்னைக்கு (06194) பிப்.19-ம் தேதி இயக்கப்படுகிறது.

இதேபோல், மற்றொரு ரயில் சென்னை சென்ட்ரலில் இருந்து பனாரஸுக்கு பிப்.19-ம் தேதியும் (06153), மறுமார்க்கத்தில் பனாரஸில் இருந்து சென்னைக்கு (06154) பிப்.24-ம் தேதியும் இயக்கப்படுகிறது.

கன்னியாகுமரி – பனாரஸ் இடையே சிறப்பு ரயில் (06195) பிப்.13-ம் தேதியும், மறுமார்க்கத்தில், பனாரஸில் இருந்து (06196) பிப்.2-ம் தேதியும் இயக்கப்படும். மற்றொரு ரயில் கன்னியாகுமரியில் இருந்து பனாரஸுக்கு (06163) பிப்.17-ம் தேதியும், மறுமார்க்கத்தில், பனாரஸில் இருந்து கன்னியாகுமரிக்கு பிப்.23-ம் தேதியும் இயக்கப்படும்.

கோவை – பனாரஸ் இடையே சிறப்பு ரயில் (06187) பிப்.16-ம் தேதியும், மறுமார்க்கத்தில் பனாரஸில் இருந்து (06188) பிப்.22-ம் தேதியும் இயக்கப்படும். இந்த சிறப்பு ரயில்களுக்கான முன்பதிவு இன்று (பிப்.1) காலை 8 மணிக்குத் தொடங்கும் என தெற்கு ரயில்வே தெரிவித்துள்ளது.

நன்றி

Leave a Reply

Your email address will not be published. Required fields are marked *