மனம் திறந்த ஜடேஜா
ரவிச்சந்திரன் அஸ்வினின் ஓய்வு முடிவு குறித்து இந்திய அணியின் ஆல்ரவுண்டர்களில் ஒருவரான ரவீந்திர ஜடேஜா மனம் திறந்துள்ளார்.
அஸ்வினின் ஓய்வு முடிவு குறித்து ரவீந்திர ஜடேஜா கூறியதாவது: பிரிஸ்பேன் டெஸ்ட் போட்டியின்போது, ரவிச்சந்திரன் அஸ்வின் ஓய்வினை அறிவிக்கப் போகிறார் என்பதற்கான எந்த ஒரு அறிகுறியையும் காட்டிக் கொள்ளவில்லை. கடைசி தருணத்தில்தான் அவர் ஓய்வு பெறப் போகிறார் என்பது தெரியும். பத்திரிகையாளர்கள் சந்திப்பு நடைபெறுவதற்கு 5 நிமிடத்துக்கு முன்புதான் அஸ்வினின் ஓய்வு முடிவு தெரியும். யாரோ ஒருவர் அஸ்வின் ஓய்வை அறிவிக்கப் போவதாக என்னிடம் கூறினார். நாங்கள் அன்று நாள் முழுவதும் ஒன்றாக இருந்தோம். இருந்தும், அவர் ஓய்வை அறிவிக்க இருப்பது எனக்குத் தெரியவில்லை. அவர் எனக்கு எந்த ஒரு குறிப்பும் கொடுக்கவில்லை.
