ஆஸ்திரேலியா தரப்பில் மேட் குன்ஹிமேன் 5 விக்கெட்டுகளைக் கைப்பற்றி அசத்தினார். நாதன் லயன் 3 விக்கெட்டுகளையும், மிட்செல் ஸ்டார்க் 2 விக்கெட்டுகளையும் கைப்பற்றினர்.
ஆஸ்திரேலியா அபார வெற்றி
165 ரன்களுக்கு ஆட்டமிழந்து ஃபாலோ ஆன் ஆன இலங்கை அணி அதன் இரண்டாவது இன்னிங்ஸில் விளையாடியது. இரண்டாவது இன்னிங்ஸில் அந்த அணி 247 ரன்களுக்கு ஆட்டமிழந்தது. இதன் மூலம், ஆஸ்திரேலிய அணி இன்னிங்ஸ் மற்றும் 242 ரன்கள் வித்தியாசத்தில் வெற்றி பெற்றது. இரண்டாவது இன்னிங்ஸில் இலங்கை அணியில் ஜெஃப்ரி வாண்டர்சே அதிகபட்சமாக 53 ரன்கள் எடுத்தார். அவரைத் தொடர்ந்து, ஏஞ்சலோ மேத்யூஸ் 41 ரன்களும், கேப்டன் தனஞ்ஜெயா டி சில்வா 39 ரன்களும் எடுத்தனர்.
