கேமரூன் கிரீன் விலகல்
இங்கிலாந்துக்கு எதிரான மூன்றாவது ஒருநாள் போட்டிக்குப் பிறகு கேமரூன் கிரீனுக்கு முதுகுப் பகுதியில் காயம் ஏற்பட்டுள்ளது. இதனையடுத்து, இங்கிலாந்துக்கு எதிரான கடைசி இரண்டு ஒருநாள் போட்டிகளிலிருந்து அவர் விலகியுள்ளார்.
பார்டர் – கவாஸ்கர் தொடரில் விளையாடுவாரா?
இந்தியா மற்றும் ஆஸ்திரேலிய அணிகளுக்கு இடையிலான பார்டர் – கவாஸ்கர் டெஸ்ட் தொடர் வருகிற நவம்பரில் தொடங்குகிறது. ஆஸ்திரேலிய மண்ணில் தொடர்ச்சியாக மூன்றாவது முறையாக தொடரைக் கைப்பற்றும் முனைப்போடு இந்திய அணியும், சொந்த மண்ணில் ஏற்பட்ட தோல்விகளுக்கு முற்றுப்புள்ளி வைக்கும் முனைப்போடு ஆஸ்திரேலிய அணியும் களம் காண்கின்றன.
