நாம் பயன்படுத்தும் ஸ்மார்ட்போன்களின் கீழ்ப்பகுதியில் ஊசி முனை அளவிலான ஒரு சிறிய துளை இருப்பதைக் கவனித்திருப்பீர்கள். சிலர் இதை மைக் என்றோ, Reset பட்டன் என்றோ நினைத்திருக்கக் கூடும். ஆனால், அதன் உண்மையான பெயர் Noise-canceling microphone.
போனில் பேசும்போது, வழக்கமான மைக்ரோபோன் நமது குரலைப் பதிவு செய்யும். அதேநேரம், இந்தச் சிறிய துளையில் உள்ள இரண்டாவது மைக்ரோபோன், நம்மைச் சுற்றியுள்ள இரைச்சல்களை (உதாரணமாக: வாகனங்களின் சத்தம், காற்றின் இரைச்சல், கூட்டத்தின் சலசலப்பு) தனியாக உள்வாங்கும்.
ஸ்மார்ட்போனில் உள்ள தொழில்நுட்பம், இந்த இரண்டு ஒலிகளையும் ஒப்பிட்டுப் பார்த்து, பின்னணி இரைச்சலை மட்டும் வடிகட்டிவிட்டு, நமது குரலை மட்டும் எதிர்தரப்பிற்கு மிகத் தெளிவாகக் கேட்கச் செய்கிறது.
