பெண்களுக்கு ஏற்படும் பிரச்சனைகளில் ஒன்று வெள்ளைப்படுதல். இது பொதுவாக பெரும்பாலான பெண்களுக்கு ஏற்படும். மேலும் இது ஒரு பெண்ணின் உடல்நலம் பெற்றிய நிலைமையை வெளிப்படுத்தலாம். உங்கள்உடல்நலம், மாதவிடாய் சுழற்சியைப் பொறுத்து ஒரு மாதம் முழுவதும் உங்கள் வெள்ளைப்படுதல் மாறுகிறது.
வெள்ளைப்படுதல் என்பது நாள் முழுவதும் உங்கள் யோனியை விட்டு வெளியேறும் திரவம் மற்றும் செல்களின் கலவையாகும். இது உங்கள் யோனியை தொற்றுகளிலிருந்து பாதுகாத்து சுத்தமாக வைத்திருக்க உதவுகிறது என சிங்கப்பூர் மருத்துவ இதழில் வெளியிடப்பட்ட 2020 ஆய்வில் கண்டறியப்பட்டுள்ளது.
அடர்த்தியான வெள்ளை நிற வெளியேற்றம் இயல்பானதா?
அடர்த்தியான வெள்ளை யோனி வெளியேற்றம் சாதாரணமானது மற்றும் பெரும்பாலும் மாதவிடாய் சுழற்சியுடன் தொடர்புடையது. அண்டவிடுப்பின் (ovulation) போது, உடல் அதிக ஈஸ்ட்ரோஜனை உற்பத்தி செய்கிறது, இது யோனி வெளியேற்றத்தை ஏற்படுத்துகிறது. இதுகுறித்து விளக்கும் மகப்பேறியல் மற்றும் மகளிர் மருத்துவ நிபுணர் டாக்டர் மது ஜுனேஜா, தடிமனான வெள்ளை வெளியேற்றம் கருவுறுதலைக் குறிக்கலாம். இது தொற்றுநோய்களுக்கு எதிரான தடையாகவும் செயல்படும். இருப்பினும், அரிப்பு, எரிதல், சிவத்தல் அல்லது கடுமையான துர்நாற்றம் ஆகியவற்றுடன் வெள்ளைப்படுதல் இருந்தால், அது தொற்றுநோய்க்கான அறிகுறியாக இருக்கலாம் என எச்சரிக்கிறார்.
அடர்த்தியான வெள்ளை நிற வெளியேற்றத்திற்கான காரணங்கள் :
தடிமனான வெள்ளை நிற வெளியேற்றம் பல பெண்களுக்கு நடைபெறுகிறது. மேலும் இது சாதாரண மற்றும் அசாதாரணமான பல்வேறு காரணிகளால் ஏற்படலாம். சில காரணங்கள் இங்கே.
1. அண்டவிடுப்பு
அண்டவிடுப்பின் போது உங்கள் கருப்பை முதிர்ந்த கரு முட்டையை வெளியிடுகிறது. ஒரு சிறிய பை (ஃபோலிக்கிள்) வெடிக்கும் போது இது நிகழ்கிறது. ஸ்டேட் பியர்ல்ஸ் ஜர்னலில் வெளியிடப்பட்ட ஒரு ஆய்வின்படி, இந்த கரு முட்டை ஒரு குழாயில் (ஃபெலோபியன் குழாய்) கீழே பயணிக்கிறது, அங்கு அது விந்தணுவைச் சந்தித்து கருவுறும் ப்ராசஸ் நடைபெறுகிறது. அண்டவிடுப்பின் போது வெள்ளைப்படுதல் தடிமனாகவும், வெண்மையாகவும் மாறுவது பொதுவானது. இந்த வகையான வெளியேற்றம் பொதுவாக சாதாரணமானது மற்றும் உடல் சரியாக செயல்படுவதைக் குறிக்கிறது.
2. ஹார்மோன் மாற்றங்கள்
சிங்கப்பூர் மருத்துவ இதழில் வெளியிடப்பட்ட 2020 ஆய்வில், மாதவிடாய் சுழற்சி முழுவதும் ஹார்மோன்களில் ஏற்படும் ஏற்ற இறக்கங்கள் வெள்ளைப்படுதலை அதிகரிக்கும் என தெரிவித்துள்ளனர்.
3.கர்ப்பம்
வெள்ளைப்படுதல் அதிகரிப்பது பெரும்பாலும் கர்ப்பத்தின் ஆரம்ப அறிகுறிகளில் ஒன்றாகும். க்யூரியஸ் ஜர்னல் ஆஃப் மெடிக்கல் சயின்ஸில் வெளியிடப்பட்ட ஒரு ஆய்வின்படி, கர்ப்பகாலத்தில் வெள்ளைப்படுதல் பால் போல இருக்கும் என தெரிவித்துள்ளனர்.
4. பாலியல் தூண்டுதல்
“பாலியல் தூண்டுதல் வெள்ளைப்படுதலை அதிகரிக்கிறது. இது உடலுறவை எளிதாக்குகிறது என மருத்துவர்கள் விளக்குகின்றனர்.
5. ஈஸ்ட் தொற்று (கேண்டிடியாஸிஸ்)
தடிமனான வெள்ளைப்படுத்தலுக்கான பொதுவான காரணங்களில் ஒன்று ஈஸ்ட் தொற்று ஆகும். ஈஸ்ட் தொற்று ஏற்பட்டிருந்தால் பெரும்பாலும் பாலாடைக்கட்டி போன்ற வெள்ளைப்படுதல் இருக்கும். மேலும் அரிப்பு, சிவத்தல் மற்றும் எரிச்சலும் இருக்கலாம். ப்ரீடியாபயாட்டீஸ் உள்ள பெண்களுக்கு கேண்டிடியாசிஸ் வருவதற்கான வாய்ப்புகள் அதிகம் என நிபுணர்கள் எச்சரிக்கின்றனர்.
6. பாக்டீரியா வஜினோசிஸ்
மே 2024ல் StatsPearls வெளியிடப்பட்ட ஆய்வின்படி, சாதாரண பிறப்புறுப்பு பாக்டீரியாக்கள் அதிகமாக வளரும்போது பாக்டீரியா வஜினோசிஸ் (BV) ஏற்படுகிறது. பாக்டீரியா வஜினோசிஸ் பொதுவாக சாம்பல் நிற வெளியேற்றத்தை குறிக்கும். மேலும் சில நேரம் துர்நாற்றமும் இருக்கலாம்.
பெண்களின் எலும்பு ஆரோக்கியத்திற்கான 9 கால்சியம் நிறைந்த உணவுகள்.!
அடர்த்தியான வெள்ளைப்படுதலை எவ்வாறு தடுப்பது?
நிபுணர் விளக்கியபடி, அடர்த்தியான வெள்ளைப்படுதலை தடுக்க உதவும் சில குறிப்புகள் இங்கே உள்ளன.
1. முறையான சுத்தம்
பிறப்புறுப்பு பகுதியை சுத்தம் செய்ய தண்ணீரை பயன்படுத்தவும். யோனியில் உள்ள கிருமிகள் மற்றும் ஈஸ்டின் இயற்கையான சமநிலையை சீர்குலைக்கும் என்பதால் கெமிக்கல் ப்ராடெக்ட்டுகளை தவிர்த்து விடுங்கள். கழிப்பறையைப் பயன்படுத்திய பிறகு, ஆசனவாயில் இருந்து பிறப்புறுப்புக்கு பாக்டீரியா பரவுவதைத் தவிர்க்க நன்கு சுத்தம் செய்யவும்.
2. காட்டன் துணிகளை அணிய வேண்டும்
பருத்தி உள்ளாடைகளை அணிவது சிறந்த காற்று சுழற்சியை அனுமதிக்கிறது. இதனால் உங்கள் அந்தரங்க பகுதி உலர வசதியாக இருக்கும். இறுக்கமான ஆடைகளைத் தவிர்க்கவும், இது ஈரப்பதத்தைத் அதிகரித்து ஈஸ்ட் மற்றும் பாக்டீரியா வளர்ச்சிக்கு தடையாக இருக்கும்.
3. மாதவிடாய் சுகாதாரம்
மாதவிடாயின் போது சானிட்டரி பேட் மற்றும் டம்பான்களை தவறாமல் மாற்றவும். சில குறிப்பிட்ட நேர இடைவெளியில் சுத்தம் சித்து மாற்றி வந்தால் நல்லது.
Also Read |
பீரியட்ஸ் டைம்ல கட்டி கட்டியா ரத்த போக்கு ஏற்படுதா..? காரணங்களும்.. சிகிச்சை முறைகளும்..
4. நெல்லி சாறு அருந்தவும்
நெல்லி சாறு குடிப்பது சிறுநீர் பாதை நோய்த்தொற்றுகளை (UTIs) தடுக்க உதவும். நெல்லியில் பாக்டீரியாக்கள் சிறுநீர் பாதை சுவர்களில் ஒட்டாமல் தடுக்கும் சேர்மங்கள் உள்ளன. எனவே இதனை அடிக்கடி அருந்தி வாருங்கள்.
.
