ஊக்கம் தரும் பெண் தலைவர்கள் மற்றும் தொழில்முனைவோர்களைக் கொண்டாடும் வளரும் தளமான “மேஜிக் பெண்கள்’ (Magic Pengal), தனது 3வது பதிப்பை 2026 மார்ச் 22 அன்று சென்னை ஹில்டன் (Hilton Chennai) ஹோட்டலில் நடத்த உள்ளது. காலை 9:00 மணி முதல் மாலை 5:00 மணி வரை நடைபெறவுள்ள இந்த நிகழ்வில், பெண் தொழில்முனைவோர், முதலீட்டாளர்கள், வல்லுநர்கள், படைப்பாளர்கள் மற்றும் வருங்கால நிறுவனர்கள் கலந்துகொண்டு உரையாடல்கள் மற்றும் நெட்வொர்க்கிங் மூலம் பயன் பெறுவார்கள் என எதிர்பார்க்கப்படுகிறது.
அறிவுப் பகிர்வு, தொழில்முனைவு மற்றும் பெண் ஆளுமைகளைக் கொண்டாடுவதை நோக்கமாகக் கொண்டு செயல்படும் ‘மேஜிக் 20 தமிழ்’ (Magic 20 Tamil) தளம் இந்த நிகழ்ச்சியை ஒருங்கிணைக்கிறது. இது ஒரு முன்பதிவு செய்யப்பட்ட (Registered) நிகழ்வாகும், பங்கேற்க விரும்புவோர் தங்களை பதிவு செய்து கொள்வது அவசியமாகும்.
இந்த 3வது பதிப்பில் பெண்களின் தலைமைத்துவம், தொழில்முனைவு, முதலீட்டு வாய்ப்புகள், ஊடக அடையாளம், தொழில்நுட்பக் கண்டுபிடிப்புகள் மற்றும் மனநலம் குறித்த முக்கிய உரைகள் மற்றும் கலந்துரையாடல்கள் இடம்பெறவுள்ளன.
முக்கிய அமர்வுகள்:
தொடக்க உரை (Keynote Session): ஆண்கள் ஆதிக்கம் செலுத்தும் துறையில் ஒரு பெண்ணின் எழுச்சி மது லுனாவத் (Madhu Lunawat), நிறுவனர் மற்றும் சி.இ.ஓ, தி வெல்த் கம்பெனி (The Wealth Company) நிதித் துறையில் ஒரு நிறுவனத்தைக் கட்டியெழுப்பிய தனது பயணம் மற்றும் ஆண்கள் ஆதிக்கம் செலுத்தும் இத்துறையில் எதிர்கொண்ட சவால்களை மது லுனாவத் பகிர்ந்து கொள்வார்.
பெண்கள், வேலை மற்றும் அடையாளம் – ஊடகக் குழு விவாதம் (Media Panel): ஊடகங்களிலும் பொதுத் தளங்களிலும் பெண்கள் தங்களது அடையாளம், செல்வாக்கு மற்றும் நம்பகத்தன்மையை எவ்வாறு கையாளுகிறார்கள் என்பது குறித்த விவாதம். பேச்சாளர்கள்:
-
ஆர்.ஜே. சிவசங்கரி – ரேடியோ தொகுப்பாளர் மற்றும் ஊடக ஆளுமை
-
திலகவதி – முதுநிலை செய்தியாளர், புதிய தலைமுறை
-
ரவூபா – நிறுவனர், மீடியா மேன்ஷன்ஸ் (Media Mansions)
-
நெறியாளர்: இந்துஜா – பத்திரிகையாளர், யுவர்ஸ்டோரி (YourStory)
முதலீட்டாளர்கள் குழு (Investors Panel): ஸ்டார்ட்-அப் நிதி, துணிகர மூலதனம் (Venture Capital) மற்றும் பெண் தொழில்முனைவோருக்கான வாய்ப்புகள் குறித்த உரையாடல். பேச்சாளர்கள்:
-
Ankita poddar – சீனியர் அசோசியேட், அனிகட் கேபிடல் (Anicut Capital)
-
அனுராதா ராமச்சந்திரன் – மேனேஜிங் பார்ட்னர், பிராணா வென்ச்சர்ஸ் (Prana Ventures) நெறியாளர்:
-
கயல்விழி கார்த்திகேயன் – எழுத்தாளர் மற்றும் கேரியர் வொமென்டர் (Career Womentor)
உங்களை நீங்களே கவனித்தல் – மனநலக் குழு (Mental Health Panel): வல்லுநர்கள் மற்றும் தொழில்முனைவோருக்கான உணர்ச்சி ரீதியான நல்வாழ்வு, சுய விழிப்புணர்வு மற்றும் மனநலம் குறித்த விவாதம். பேச்சாளர்கள்:
-
காந்தினி(Khanthini) – உளவியலாளர் மற்றும் லைஃப் கோச்
-
நிவேதா ஷங்கர் – இணை நிறுவனர், மைண்ட் அண்ட் கம்பெனி (Mind and Company)
