தில்லியில் பிரதமர் மோடியை செப்.27ஆம் தேதி முதல்வர் ஸ்டாலின் சந்திக்கிறார்.
சென்னையில் இருந்து வரும் 26ஆம் தேதி இரவு தில்லி புறப்படும் செல்லும் முதல்வர் ஸ்டாலின் மறு நாள் செப்.27-ல் பிரதமர் மோடியை சந்திக்க உள்ளார். இந்த சந்திப்பின்போது தமிழகத்திற்கான நிதி உள்ளிட்ட பல்வேறு பிரச்னைகள் குறித்து பிரதமரிடம் அவர் வலியுறுத்துவார் என எதிர்பார்க்கப்படுகிறது.
சென்னையில் ஓட்டுநர் இல்லா மெட்ரோ ரயில்! வெளியான புதிய தகவல்
அதோடு சமக்ரா சிக்ஷா கல்வி திட்டத்தில் தமிழகத்திற்கான நிதி நிறுத்தப்பட்டது குறித்தும் முதல்வர் பேசலாம் எனவும் தகவல் வெளியாகியுள்ளது. மேலும் நீட் தேர்வில் விலக்கு உள்ளிட்ட பல்வேறு பிரச்னைகள் குறித்து பிரதமருடனான சந்திப்பின்போது முதல்வர் மனு அளிக்க வாய்ப்பு இருப்பதாக கூறப்படுகிறது.
அண்மையில் அமெரிக்காவில் இருந்து சென்னை திரும்பிய முதல்வர் ஸ்டாலின், பிரதமர் மோடியை சந்திக்கவிருப்பதாக கூறியிருந்தார் என்பது குறிப்பிடத்தக்கது.
