லீவைஸ் நிறுவனம் 1873-ல் காப்புரிமை பெற்ற முதல் ஜீன்ஸில் மொத்தம் 4 பாக்கெட்டுகள் மட்டுமே இருந்தன (முன்புறம் 3, பின்புறம் 1). 1901-ம் ஆண்டுதான் பின்புறம் 2-வது பாக்கெட் அறிமுகமானது. எனவே, இந்த வாட்ச் பாக்கெட் ஜீன்ஸின் ஆதி வடிவமைப்புகளில் ஒன்றாகும்.
காலப்போக்கில் பாக்கெட் வாட்ச்களின் பயன்பாடு இல்லாமல் போனாலும், இந்தக் குட்டி பாக்கெட்டின் வடிவமைப்பு மாறவே இல்லை. வாட்ச் இல்லாத காலகட்டத்தில் மக்கள் தங்கள் தேவைக்கேற்ப சில்லறை காசுகள், பஸ் டிக்கெட், தீப்பெட்டி, மற்றும் லைட்டர்களை வைக்கப் பயன்படுத்தத் தொடங்கினர்.
ஒரு காலத்தில் தொழிலாளர்களின் அவசியத் தேவையாக இருந்த இந்தக் குட்டி பாக்கெட், 150 ஆண்டுகளைக் கடந்த பின்பும் லீவைஸ் நிறுவனத்தின் பாரம்பர்ய அடையாளமாக இன்றும் மாறாமல் தொடர்கிறது.
