ராஜமௌலி இயக்கத்தில் ஜூனியர் என்டிஆர், ராம் சரண், ஆலியா பட் உள்ளிட்ட பலர் நடித்த ஆர்ஆர்ஆர் திரைப்படம் மாபெரும் வெற்றி பெற்றது.
தற்போது, ஜுனியர் என்டிஆர் தனது 30வது படத்தில் நடித்து வருகிறார். பிரபல தெலுங்கு இயக்குநர் கொரடால சிவா இயக்கிவரும் இந்தப் படத்துக்கு ‘தேவரா -1’ எனப் பெயரிடப்பட்டுள்ளது.
ஜான்வி கபூர், சயிஃப் அலி கான், நந்தமுரி கல்யான் உள்ளிட்டோர் முக்கிய கதாபாத்திரங்களில் நடிக்கின்றனர்.
இந்தப் படத்துக்கு அனிருத் இசையமைக்கிறார். படத்தின் முதல் பாடல் கவனம் பெற்றது. இப்படம் வருகிற செப்.27 ஆம் தேதி உலகம் முழுவதும் வெளியாகும் என ஏற்கனவே அறிவிக்கப்பட்டுள்ளது.
எதிர்பார்ப்பில் டிரைலர்
இந்நிலையில் படத்தின் டிரைலர் வரும் செப்.10ஆம் தேதி வெளியாகுமென படக்குழு அறிவித்துள்ளது. மிகுந்த எதிர்பார்ப்பில் இந்த டிரைலர் வெளியாகவிருக்கிறது.
3 மணி நேர படம்?
இந்தப் படத்தின் ரன்னிங் டைம் 3 மணி நேரத்துக்கும் அதிகமாக இருக்குமென தகவல்கள் வெளியாகியிருந்தது குறிப்பிடத்தக்கது.
