புதிதாக டயர் வாங்கும்போது அல்லது காரைச் சுத்தம் செய்யும்போது, டயரின் இடுக்குகளில் சிறிய ரப்பர் கோடுகள் அல்லது மேடுகளை நீங்கள் கவனித்திருக்கலாம். இவை வெறும் அலங்காரத்திற்காக உருவாக்கப்பட்டவை அல்ல.
டயரின் பள்ளங்களுக்குள் (Grooves) ஆங்காங்கே சிறிய ரப்பர் மேடுகள் இருக்கும். டயரின் மேற்புறம் தேய்ந்து, இந்த மேடுகளின் சமநிலையைத் தொட்டுவிட்டால், அந்த டயர் அதன் ஆயுட்காலத்தை முடித்துவிட்டது என்று பொருள்.
சர்வதேச பாதுகாப்புத் தரநிலைகளின்படி, ஒரு டயரின் தேய்மானம் 1.6 மி.மீ அளவுக்குக் குறைவாகச் சென்றால், அது பயன்படுத்தத் தகுதியற்றதாகக் கருதப்படுகிறது. 1960-களுக்குப் பிறகுதான் இந்தத் தேய்மானக் குறிகள் (Tread Wear Indicators – TWI) உலகளவில் கட்டாயமாக்கப்பட்டது.
டயரின் பக்கவாட்டில் ஒரு சிறிய அம்பு குறி (△) அல்லது `TWI” என்ற எழுத்து இருக்கும். அது இருக்கும் நேர்க்கோட்டில் டயரின் நடுவே பார்த்தால் இந்தத் தேய்மானக் குறிகளைக் கண்டறியலாம். எந்தக் கருவியும் இன்றி டயரின் தரத்தைப் புரிந்துகொள்ள உதவும் ஒரு எளிய பொறியியல் நுணுக்கம்.
