டெட்பூல் வுல்வரின் திரைப்படம் கடந்த ஜூலை மாதம் 26ஆம் நாள் வெளியாகியது. இந்தப் படத்தினை ஷாவ்ன் லெவி இயக்கியுள்ளார். இதில் ரியான் ரெனால்ட், ஹக் ஜாக்மேன், எம்மா கோரின், மோரினா சில்வா ஆகியோர் நடித்துள்ளார்கள்.
இந்தப் படத்தில் இரட்டை அர்த்த வசனங்களும் தன்பாலின் ஈர்ப்பாளர்களை கிண்டல் செய்யும் வசனங்களும் சமூக வலைதளங்களில் விமர்சனத்துக்கு உள்ளாகியுள்ளன. இருந்தாலும் வசூலில் கலக்கி வருகிறது.
உலக அளவில் 500 மில்லியன் டாலர் (இந்திய மதிப்பில் 4 ஆயிரம் கோடி ரூபாய்) வசூலித்துள்ளதாகவும் இந்தியாவில் ரூ.80 கோடியும் வசூலித்துள்ளதாக ஆங்கில ஊடகங்களில் தகவல்கள் வெளியாகியுள்ளன.
