தென்னாப்பிரிக்க வேகப்பந்து வீச்சாளர் ககிசோ ரபாடா ஐபிஎல் போட்டித் தொடரில் குஜராத் டைட்டன்ஸ் அணிக்காக விளையாடி வருகிறார். இந்த நிலையில் அவர் தனிப்பட்ட காரணங்களுக்காக தாயகம் திரும்பியிருப்பதாக குஜராத் அணி நிர்வாகம் உறுதிபடுத்தியுள்ளது.
குஜராத் அணி நேற்றிரவு நடைபெற்ற பெங்களூருவுக்கு எதிரான போட்டியில் 8 விக்கெட்டுகள் வித்தியாசத்தில் அபார வெற்றி பெற்றது. இந்தப் போட்டியிலும் ரபாடா விளையாடவில்லை.
இதையும் படிக்க: உலகக் கோப்பை வென்று 50 ஆண்டுகள் நிறைவு! விழாவாகக் கொண்டாடும் மே.இ.தீவுகள்!
இந்தத் தொடரில் இதுவரை பஞ்சாப் மற்றும் மும்பைக்கு எதிராக 2 போட்டிகளிலும் மட்டும் விளையாடியுள்ள ரபாடா 2 விக்கெட்டுகளை வீழ்த்தியிருக்கிறார். ரபாடாவுக்குப் பதிலாக குஜராத் அணியில் அர்ஷத் கானுக்கு வாய்ப்பு வழங்கப்பட்டது. அதை பயன்படுத்திக் கொண்ட அர்ஷத் கான், விராட் கோலியின் விக்கெட்டை வீழ்த்தி அசத்தியிருந்தார்.
ரபாடாவுக்குப் பதிலாக மற்றொரு தென்னாப்பிரிக்க வேகப்பந்து வீச்சாளர் ஜெரால்ட் கோட்ஜி அல்லது ஆப்கானிஸ்தான் ஆல்ரவுண்டர் கரிம் ஜன்னத்துக்கு வாய்ப்பு கிடைக்கும் என்று எதிர்பார்க்கப்படுகிறது.
இதையும் படிக்க: மும்பை அணியிலிருந்து சூர்யகுமார் யாதவ் விலகுகிறாரா?
