சன் தொலைக்காட்சியில் ஒளிபரப்பாகி வரும் மீனா தொடர் விரைவில் நிறைவடையவுள்ளது.
மீனா தொடரில் இந்து செளத்ரி பிரதான பாத்திரத்தில் நடிக்கிறார். இவர் ஆனந்த ராகம் தொடரில் நடித்தவர். மேலும், இத்தொடரில் ஜெய் ஸ்ரீனிவாச குமார், அபிஷேக் சங்கர், விக்னேஷ், சோனியா போஸ் உள்ளிட்டோர் நடிக்கிறார்கள்.
பிரிந்துபோன இரு குடும்பங்களை இணைப்பதற்காக மீனா மேற்கொள்ளும் முயற்சிகளே இத்தொடரின் மையக்கருவாக உள்ளது. இத்தொடர் திங்கள்கிழமை முதல் சனிக்கிழமை வரை முற்பகல் 11 மணி ஒளிபரப்பாகி வருகிறது.
இதையும் படிக்க: கண்ணான கண்ணே சீரியல் நாயகியின் புதிய தொடர்!
கடந்தாண்டு ஜூலை 24 ஆம் தேதி முதல் மீனா தொடர் ஒளிபரப்பாகி வருகிறது. தொடர் ஆரம்பிக்கப்பட்டு குறுகிய காலத்திலேயே நிறைவடையவுள்ளது, இந்த தொடர் பார்க்கும் ரசிகர்களை அதிர்ச்சியில் ஆழ்த்தியுள்ளது.
அண்மையில், இத்தொடரின் இறுதிக்கட்டக் காட்சிகள் படமாக்கப்பட்டுள்ளது.
தற்போது, சன் தொலைக்காட்சியில் ஒளிபரப்பாகி வரும் இனியா, மலர், சுந்தரி உள்ளிட்ட தொடர்கள் நிறைவடையவுள்ளதாக கூறப்படும் நிலையில், மீனா தொடரும் நிறைவடையவுள்ளதாகத் தகவல் வெளியாகியுள்ளது
