அது மாதிரி, முன்பு, HDFC வங்கியில் தான் குறைந்த அளவு டெபாசிட் தொகை இருந்தது. இப்போது அது மாறியிருக்கிறது.
அதுபோல, இப்போது இந்த வங்கி அதிக டெபாசிட் ரேட்டையும் வழங்குகிறது. இதை வங்கி அதன் வளர்ச்சிக்காக தான் செய்கிறது.
HDFC லிமிடெட் மற்றும் HDFC வங்கியை இணைத்தால் தான், பெரியளவில் வளர்ச்சி காணப்படுகிறது. தனியாக HDFC வங்கியை மட்டும் எடுத்து பார்த்தால், அவ்வளவாக வளர்ச்சி இல்லை.
அடுத்ததாக, மெர்ஜருக்குப் பிறகு, அசட்டின் தரமும் சிறப்பாக இல்லை.
இடைக்கால தலைவர்…
இப்போது இடைக்கால பகுதி நேரத் தலைவராக கேக்கி மிஸ்திரியை நியமித்துள்ளது HDFC வங்கி. இந்த நியமனம் இன்னும் மூன்று மாத காலத்திற்கு செல்லும்.
அடுத்தது, யார் இந்தப் பதவியில் நியமிக்கப்படப் போகிறார் என்பதைப் பொறுத்து, அந்த வங்கியின் பங்குகளில் மாற்றங்கள் நிச்சயம் இருக்கும்.
சரி… HDFC வங்கியில் முதலீடு செய்திருப்பவர்கள் என்ன செய்யலாம்?
முதலீடு என்று வரும்போது, முதலீட்டாளர்கள் ஒரு தலைவரின் ராஜினாமாவை வைத்து மட்டும் முடிவெடுக்கக் கூடாது. ஏனெனில் இது தற்காலிக நிகழ்வே. விரைவில் இன்னொரு தலைவர் அமர்த்தப்படுவார் என்பதையும் கவனத்தில் கொள்ளவேண்டும்.
அதனால், முதலீட்டாளர்கள் வங்கியின் வளர்ச்சி மற்றும் எதிர்காலம் பொறுத்து தான் முதலீடு குறித்த முடிவுகளை எடுக்க வேண்டும்.
இந்த வங்கியின் கடந்த ஐந்து ஆண்டுகள் வளர்ச்சியை எடுத்துப்பார்த்தால் அவ்வளவாக இல்லை.
