ஃபட்னவீஸுக்கு சுப்ரியா சுலே பாராட்டு
கடந்த வாரம் செய்தியாளர்களிடம் பேசிய சுப்ரியா சுலே, மகாராஷ்டிர முதல்வரும் பாஜக மூத்த தலைவருமான தேவேந்திர ஃபட்னவீஸை பாராட்டினார்.
“மகாயுதி அமைச்சரவையில் பெரும்பாலான அமைச்சர்கள் இன்னும் பொறுப்பேற்கவில்லை. மிகவும் கடினமாக உழைப்பது வேறு யாரும் இல்லை, தேவேந்திர ஃபட்னவீஸ் ஒருவர் மட்டும்தான்” எனத் தெரிவித்திருந்தார்.
சுப்ரியா சுலே பாராட்டு தெரிவித்து ஒரு வாரத்துக்குள் சரத் பவார் அணி கூட்டணி மாற்றம் குறித்த செய்திகள் மகாராஷ்டிர அரசியலில் பரபரப்பை ஏற்படுத்தியுள்ளது.
ஏற்கெனவே இந்தியா கூட்டணியில் காங்கிரஸ் தலைமைக்கு எதிராக ஆம் ஆத்மி, திரிணமூல் காங்கிரஸ் உள்ளிட்ட கட்சிகள் போர்க் கொடி தூக்கியுள்ள நிலையில், சரத் பவார் அணி மாறினால் இந்தியா கூட்டணி மேலும் பலவீனமடைய வாய்ப்புள்ளது.
சரத் பவாருடன் இணைந்து இந்தியா கூட்டணியை உருவாக்க முயற்சித்த பிகார் முதல்வரும் ஐக்கிய ஜனதா தளத்தின் தலைவருமான நிதிஷ் குமார், தேர்தலுக்கு முன்னதாகவே பாஜக கூட்டணியில் இணைந்தது குறிப்பிடத்தக்கது.
