புதிய சாதனையை நோக்கி…
இந்தியா மற்றும் ஆஸ்திரேலிய அணிகளுக்கு இடையிலான முதல் டெஸ்ட் போட்டியைக் காண முதல் நாளில் 31,302 பேர் வருகை புரிந்துள்ளனர். போட்டியின் இரண்டாம் நாளான இன்று (நவம்பர் 23) 32,368 பேர் வருகை புரிந்துள்ளனர்.
முதல் இரண்டு நாள்களையும் சேர்த்து இதுவரை 63,670 பேர் போட்டியைக் காண மைதானத்துக்கு நேரில் வந்துள்ளனர். போட்டி நிறைவடைய இன்னும் 3 நாள்கள் இருக்கும் நிலையில், அதிக பார்வையாளர்கள் நேரில் கண்டு களித்த டெஸ்ட் போட்டி என்ற சாதனையை நோக்கி பெர்த் டெஸ்ட் போட்டி நகர்ந்து வருகிறது.
இதற்கு முன்னதாக, கடந்த 2006-2007 ஆம் ஆண்டு ஆஷஸ் தொடரின்போது, வாக்கா மைதானத்தில் நடைபெற்ற டெஸ்ட் போட்டியை 1,03,440 பேர் மைதானத்துக்கு நேரில் வந்து கண்டுகளித்ததே இதுவரையில் அதிகபட்ச பார்வையாளர்களை ஈர்த்த போட்டியாக இருந்து வருகிறது.
