ஈரான் vs அமெரிக்கா, இஸ்ரேல் போர் நிலவி வரும் இந்த வேளையில், தங்கம் மற்றும் வெள்ளி விலை “கிடுகிடு’ உயர்வைக் காணும் என்று பெரிதும் எதிர்பார்க்கப்பட்டது.
ஆனால், அதற்கு மாறாக, சர்வதேச சந்தையில் தங்கம் மற்றும் வெள்ளி விலை இறக்கத்தைக் கண்டுள்ளது.
சர்வதேச சந்தையில் ஒரு அவுன்ஸ் தங்கம் 5,000 டாலர்களுக்கு கீழேயும், ஒரு அவுன்ஸ் வெள்ளி 85 டாலர்களுக்கு கீழேயும் வர்த்தகம் ஆகி வருகிறது.
இந்தத் திடீர் சரிவிற்கு அமெரிக்க டாலர் மதிப்பு வலுவானதே காரணம் என்று கூறுகிறார் பங்குச்சந்தை நிபுணர் ரெஜி தாமஸ். மேலும், ‘தங்கம் மற்றும் வெள்ளியை முதலீட்டாளர்கள் விற்கவில்லை… இப்போதைய சரிவிற்கு அமெரிக்க டாலர் மதிப்பு வலுவானது மட்டுமே காரணம்’ என்று கூறுகிறார் அவர்.
ஏன் இப்போது அமெரிக்க டாலர் வலுவாகிறது?
போர் நீடித்து வரும் இந்த வேளையில், ‘அமெரிக்க டாலர்’ பாதுகாப்பான முதலீடாக இருக்கும் என்று முதலீட்டாளர்கள் கருதுகிறார்கள்.
மேலும், தற்போது பணவீக்கம் அதிகரிக்கலாம் என்று நினைக்கிறார்கள். இது அமெரிக்க கருவூல பத்திரத்திற்கு முதலீட்டாளர்களைத் திருப்புகிறார்கள்.
அமெரிக்க டாலர் தொடர்ந்து வலுவானால் தங்கம் மற்றும் வெள்ளி விலை இன்னும் சரியலாம்.
