இதற்கெல்லாம், பிள்ளையார்சுழி போட்டவர் டாக்டர் படேலின் மூத்த பெரியப்பாவான ரமேஷ் படேல்.
1985-ஆம் ஆண்டு, சத்ய சாய் பாபாவின் நிகழ்ச்சிக்குச் சென்றிருந்த ரமேஷ் படேலிடம், சத்ய சாய் பாபாவின் பேச்சு தாக்கத்தை ஏற்படுத்தியுள்ளது. ஆம்.. “ரத்தம் என்ற திரவ வடிவிலும் நாம் அன்பை வெளிப்படுத்தலாம். அது பிறரிடமும் பாயட்டும்” என்ற கருத்தால் ஈர்க்கப்பட்டு, மாபெரும் ரத்ததான முகாமை ஏற்பாடு செய்தார் ரமேஷ் படேல். அதன்மூலம், ரத்த தட்டணுக்கள் குறைபாடு பிரச்னையை எதிர்கொண்ட தலசேமியா நோயாளிகளுக்காக செஞ்சிலுவைச் சங்கம் மூலம் அப்போது ரத்தம் வழங்கப்பட்டது.
இந்த சம்பவத்தைத் தொடர்ந்து, படேலின் குடும்பத்தினர் தாமாகவே முன் வந்து ரத்த தானம் அளிக்கத் தொடங்கி இன்று வரை தொடர்கின்றனர்.
படேலின் குடும்பத்தில், 3 மாதங்களுக்கு ஒருமுறை தங்கள் வீட்டிலேயே ரத்ததான முகாம் நடத்தப்படுகிறது. அதில் படேல் குடும்பத்தினரின் நண்பர்கள், உறவினர்கள் உள்பட ஏராளமானோர் ஆர்வத்துடன் கலந்துகொண்டு ரத்த தானம் அளித்து வருகின்றனர்.
ரமேஷ் படேலுக்கு இப்போது 76 வயதாகிறது. வயது முதிர்வால் ரமேஷ் ரத்த தானம் அளிப்பதை கடந்த சில ஆண்டுகளுகு முன் நிறுத்திவிட்டார்.
