நார்வே நாட்டைச் சேர்ந்த செஸ் வீரரும், 5 முறை உலக சாம்பியன் பட்டம் வென்றவருமான மாக்னஸ் கார்ல்சென் உலக தரவரிசைப் பட்டியலில் முதலிடத்தில் உள்ளார். இவர் கடந்த ஆண்டு உலக ரேபிட் அன்ட் பிளிட்ஸ் செஸ் சாம்பியன்ஷிப் போட்டியில் ஜீன்ஸ் அணிந்துகொண்டு விளையாடியது பெரும் சர்ச்சையானது.
ஜீன்ஸ் அணிந்துகொண்டு விளையாடுவது செஸ் விதிமுறைகளுக்கு எதிரானது என உலக சதுரங்க கூட்டமைப்பு (ஃபிடே) கூறியிருந்ததையும் அவர் பொருட்படுத்தவில்லை.
இதனால், கார்ல்சனுக்கு ரூ.17,076 ( 200 டாலர் ) அபராதம் விதிக்கப்பட்டது. அப்போட்டியில் இருந்து அவர் நீக்கப்பட்டதும் ரசிகர்கள் மத்தியில் பேசுபொருளானது.
இந்நிலையில், உலக ரேபிட் அன்ட் பிளிட்ஸ் செஸ் சாம்பியன்ஷிப் போட்டியில் அவர் அணிந்துகொண்டு விளையாடி சர்ச்சையான ஜீன்ஸ் ஏலம் விடப்பட்டுள்ளது.
