வங்கதேசத்துக்கு எதிரான 2-ஆவது டெஸ்ட் போட்டி சிட்டகாங் மைதானத்தில் நடைபெற்றது.
அதில், முதல் இன்னிங்சில் பேட்டிங் செய்த தென்னாப்பிரிக்கா 6 விக்கெட்டுகளை இழந்து 575 ரன்கள் குவித்து டிக்ளேர் செய்தது.
இதைத் தொடர்ந்து, முதல் இன்னிங்சில் வங்கதேசம் 143 ரன்கள் மட்டுமே எடுத்து ஃபாலோ-ஆன் நிலைக்கு தள்ளப்பட்டது. தொடர்ந்து இரண்டாவது இன்னிங்சை ஆடிய வங்கதேசம் 159 ரன்களுக்கு சுருண்டது.
இதன்மூலம், ஒரு இன்னிங்ஸ் மற்றும் 273 ரன்கள் வித்தியாசத்தில் தென்னாப்பிரிக்கா அபார வெற்றி பெற்றது. 2 டெஸ்ட் போட்டிகளையும் வென்று கோப்பையை கைப்பற்றியது தென்னாப்பிரிக்கா.
