ஹரியாணா பேரவைத் தேர்தலில் காங்கிரஸ் சார்பில் மல்யுத்த வீராங்கனை வினேஷ் போகத் போட்டியிடவுள்ளார்.
ஹரியாணா தேர்தலையொட்டி 31 வேட்பாளர்களைக் கொண்ட காங்கிரஸின் முதல் வேட்பாளர் பட்டியல் வெளியிடப்பட்டுள்ளது. அதில் ஜுலானா பேரவைத் தொகுதியில் வினேஷ் போகத் வேட்பாளராக அறவிக்கப்பட்டுள்ளார்.
மேலும் ஹரியாணா முன்னாள் முதல்வர் பூபிந்தா் சிங் ஹூடா காரி சம்பாலா தொகுதியில் களமிறங்குகிறார். அதேசமயம் காங்கிரஸில் இணைந்த பஜ்ரங் புனியாவுக்கு விவசாயப் பிரிவு செயல் தலைவர் பொறுப்பு தரப்பட்டுள்ளது.
அண்மையில் புது தில்லியில், காங்கிரஸ் கட்சியின் தலைவர் ராகுல் காந்தி சந்தித்துப் பேசியிருந்த நிலையில், இன்று மல்யுத்த வீரர் பஜ்ரங் புனியா, வீராங்கனை வினேஷ் போகத் இருவரும் கட்சியில் முறைப்படி இணைந்துள்ளனர்.
தில்லியில் உள்ள காங்கிரஸ் கட்சியின் தலைமை அலுவலகத்தில் கே.சி. வேணுகோபால் முன்னிலையில், பஜ்ரங் புனியா மற்றும் வினேஷ் போகத் இருவரும் கட்சியில் இணைந்தனர். அடுத்த மாதம் 5-ஆம் தேதி ஹரியாணா சட்டப்பேரவைத் தோ்தல் நடைபெற உள்ளது.
இந்தத் தோ்தலில் வெற்றிபெற்று தொடா்ந்து 3-ஆவது முறையாக ஆட்சியை தக்கவைத்துக்கொள்ளும் முனைப்பில் பாஜக உள்ளது.
