இலங்கைக்கு எதிரான 2-வது டெஸ்ட் போட்டியில் சதமடித்து இங்கிலாந்து வீரர் அலெஸ்டர் குக்கின் சாதனையை ஜோ ரூட் சமன் செய்துள்ளார்.
இங்கிலாந்து மற்றும் இலங்கை அணிகளுக்கு இடையிலான இரண்டாவது டெஸ்ட் போட்டி லார்ட்ஸில் இன்று (ஆகஸ்ட் 29) தொடங்கியது. இந்தப் போட்டியில் டாஸ் வென்ற இலங்கை அணி பந்துவீச்சைத் தேர்வு செய்ய, இங்கிலாந்து முதல் இன்னிங்ஸில் விளையாடி வருகிறது.
இங்கிலாந்து அணிக்கு பென் டக்கெட் சிறப்பான தொடக்கத்தைத் தந்தார். இருப்பினும், டேனியல் லாரன்ஸ் 9 ரன்களிலும், கேப்டன் ஆலி போப் 1 ரன்னிலும் ஆட்டமிழந்தனர். அதன்பின் பென் டக்கெட் மற்றும் ஜோ ரூட் ஜோடி சேர்ந்தனர். சிறப்பாக விளையாடிய பென் டக்கெட் 47 பந்துகளில் 40 ரன்கள் எடுத்து ஆட்டமிழந்தார்.
