பிக் பாஸ் சீசன் 9 நிகழ்ச்சி 66 நாள்களைக் கடந்திருக்கிறது. கடந்த வார எவிக்ஷனில் பிரஜின் பிக் பாஸ் நிகழ்ச்சியை விட்டு வெளியேறியிருக்கிறார்.
இந்த வார டாஸ்க்கில் வென்ற அமித் ‘வீட்டு தலை’-யாக இருக்கிறார்.
மேலும் இந்த வாரம் ‘வழக்காடு மன்றம்’ டாஸ் பிக் பாஸ் வீட்டில் நடந்து வருகிறது.
இந்த டாஸ்க்கில் நேற்று (டிச.9) ஆதிரை மீது வழக்கு தொடுத்திருந்த வினோத் வெற்றி பெற்றார்.
இதனைத்தொடர்ந்து பார்வதி, FJ மீது வழக்கு தொடுத்து வெற்றி பெற்றார். அதன் பிறகு ஆதிரை FJ மீது வழக்கு தொடுத்து வெற்றி பெற்றார்.
இந்நிலையில் தற்போது வெளியாகியிருக்கும் முதல் புரோமோவில் அரோரா பார்வதி மீது வழக்கு தொடர்ந்திருக்கிறார். அரோராவிற்கு ஆதரவாக விக்கல்ஸ் விக்ரம் வாதாடுகிறார். வாதாடும் போது பேசிய விக்ரம், ” பாரு அரோரா மேல அவதூறு பரப்புறாங்க.
அரோராவை எப்படியாவது வெளியே அனுப்பணும்’னு கங்கணம் கட்டிட்டு இருக்காங்க. அரோராவை பார்த்து பயம்’னு ஒத்துக்கோங்க பாரு. உங்க முகத்திரை அனைத்தும் தெரிந்துவிட்டது. நீங்க யாருன்னு எல்லோருக்கும் நல்லாவே தெரியும்” என்று பார்வதியைக் கடுமையாக சாடியிருக்கிறார்.
