சர்வதேச அளவில் கிரிக்கெட்போட்டியில் ஒருநாள் போட்டியில் சிறந்து விளையாடும் வீரர்கள். டெஸ்ட் மற்றும் ஒருநாள் போட்டியில் சிறந்த பந்துவீச்சு மற்றும் டெஸ்ட்போட்டியில் சிறந்த வீரர்களின் முதல் 10 பேர் கொண்ட பட்டியலை இன்று (25ந்தேதி) சர்வதேச கிரிக்கெட் கவுன்சில்(ஐ.சி.சி) வெளியிட்டு உள்ளது.
டெஸ்ட் போட்டி
இதில் டெஸ்ட் போட்டி பந்துவீச்சில் சிறப்பாக செயல்பட்டு வரும் தமிழக வீரர் அஸ்வின் 871 புள்ளிகள் பெற்று முதல் இடத்தையு-ம், பும்ரா 854 புள்ளிகள் பெற்று 2வது இடத்தையும் பிடித்து உள்ளனர். அதற்கு அடுத்த இடத்தில் ஆஸ்திரேலியா வீரர்கள் ஹேசில்வுட், பேட்கமின்ஸ் ஆகியோர் 3,4 வது இடத்தில் உள்ளனர். இந்திய வீரர் ரவீந்திர ஜடேஜா 6 வது இடத்தில் உள்ளார்.
ஒரு நாள் போட்டி
ஒரு நாள்போட்டி தரவரிசையில் பாகிஸ்தான் வீரர் பாபர் அசாம் முதல் இடத்தையும், ரோகித்சர்மா, சுப்மன்கில், வீராட்கோலி ஆகியோர் 2,3,4 வது இடத்தை பிடித்து இருக்கிறார்கள்.
இதேபோல் ஒருநாள்போட்டி பந்து வீச்சில் தென்ஆப்பிரிக்கா வீரர் கேசவ் மகாராஜ் முதல் இடத்தையும், 2&வது இடத்தில் ஆஸ்திரேலியாவின் ஆடம்ஷாம்பா,3&வது இடத்தில் ஆப்கானிஸ்தானின் ரஷித்கான், 4-வது இடத்தில் இந்திய வீரர் குல்தீப்யாதவ் உள்ளனர். பும்ரா 8&வது இடத்திலும், முகமது சிராஜ் 10-வது இடத்திலும் உள்ளனர்.
ஜோரூட்
டெஸ்ட்போட்டி பேட்டிங்களில் இங்கிலாந்து வீரர் ஜோரூட் 899 புள்ளிகள் பெற்று முதல் இடத்தை பிடித்து உள்ளார். இதற்கு அடுத்த இடங்களில் நியூசிலாந்து வீரர்கள் வில்லியம்சன், டேரில் மிட்ஷெல், ஆஸ்திரேலியா வீரர் ஸ்டீவ் சுமித் உள்ளனர். 5-வது இடத்தில் இந்தியவீரர் ஜெய்ஸ்வால், 6-வது இடத்தில் ரிஷப்பண்ட் முன்னேறி இருக்கிறார்கள். விபத்து காயத்தில் இருந்து மீண்ட ரஷ்ப்பண்ட் டெஸ்ட் தரவரிசையில் முதல் 10 இடங்களுக்குள் இடம் பிடித்து உள்ளார்.10 வது இடத்தில் ரோகித்சர்மா உள்ளார்.
ஆனால் நட்சத்திர வீரர் வீராட் கோலிக்கு பின்னடைவு ஏற்பட்டு உள்ளது. அவருக்கு முதல் 10 இடங்களுக்குள் இடம் இல்லை.
