இப்போட்டியைத் தொடர்ந்து, இறுதிப்போட்டியில் ஸ்பெயின் அணியுடன் மோத இதே மைதானத்தில் இரவு 8 மணிக்கு இந்தியாவும், ஜெர்மனியும் பலப்பரீட்சையில் இறங்கின.
ஆட்டம் ஆரம்பித்த வேகத்திலேயே ஜெர்மனி 13-வது நிமிடத்தில் கிடைத்த பெனால்ட்டி ஷூட் வாய்ப்பில் கோல் அடித்ததோடு, அடுத்த நிமிடத்திலேயே மேலும் ஒரு கோல் அடித்து 2 – 0 என முன்னிலை பெற்று இந்தியாவை அழுத்தத்துக்குள்ளாக்கியது.
இரண்டாம் பாதியிலும் தனது வேகத்தை நிறுத்தாத ஜெர்மனி, இந்தியாவை கோல் கணக்கைத் தொடங்கவிடாமல் 39-வது நிமிடத்திலும், 48-வது கோல் அடித்து மேலும் அதிர்ச்சி கொடுத்தது.
அடுத்த நிமிடத்திலேயே இந்திய வீரர் அனுமோல் எக்கா ஒரு கோல் அடித்து இந்தியாவின் கோல் கணக்கைத் தொடங்கி வைத்தார்.
ஆனாலும், இந்தியாவால் தோல்வியைத் தவிர்க்க முடியவில்லை. ஆட்ட நேர முடிவில் ஜெர்மனி 5 – 1 என அபார வெற்றி பெற்று இந்தியாவின் இறுதிப்போட்டி கனவுக்கு முற்றுப்புள்ளி வைத்தது.
ஸ்பெயின் vs ஜெர்மனி இறுதிப்போட்டி டிசம்பர் 10-ம் தேதி சென்னையில் நடைபெறும்.
