துபாயின் ஃபிளைதுபாய் விமானத்தில் நேற்று நடந்த அதிர்ச்சிச் சம்பவம் அனைவரும் அறிந்ததே.
இந்த ஃபிளைதுபாய் விமானம் துபாயிலிருந்து இஸ்ரேலின் டெல் அவிவ்விற்குப் பறந்தது. இதில் 174 பயணிகள் பயணித்திருக்கின்றனர். கிட்டத்தட்ட அனைத்துப் பயணிகளுமே இஸ்ரேலியர்களே.
ஃபிளைதுபாய் விமானத்தில் நடந்த விபரீதச் சம்பவம் காரணமாக, அது சவூதி அரேபியாவில் தரையிறக்கப்பட்டது.
அதனால், தங்களது பயணிகளை அங்கிருந்து ராணுவ விமானம் மூலம் திரும்ப அழைத்துச் செல்ல சவூதியிடம் அனுமதி கேட்டது இஸ்ரேல்.
ஆனால், இரு நாடுகளுக்கும் இடையே எந்தவொரு அதிகாரப்பூர்வத் தூதரக உறவுகளும் இல்லை என்பதால், தங்களது எல்லைக்குள் இஸ்ரேலின் ராணுவ விமானம் வரக்கூடாது என்று இஸ்ரேலின் கோரிக்கையை மறுத்துவிட்டது சவூதி அரேபியா.
மனிதநேயத்தின் அடிப்படையில் மட்டும் அவசரத் தரையிறக்கத்திற்கு அனுமதி கொடுத்தோம் என்று சவூதி தரப்பு கூறுகிறது.
கூடவே, காயமடைந்த விமானிக்கு சவூதியின் தபூக்கில் சிகிச்சை அளிக்கப்பட்டு வருகிறது என்பது குறிப்பிடத்தக்கது.
