கோவை சிவானந்த காலனி பகுதியில் உள்ள காமராஜர் பள்ளியில் பா.ஜ.க தேசிய மகளிர் அணித் தலைவர் வானதி சீனிவாசன் வாக்களித்தார்.
பின்னர் செய்தியாளர்களுக்குப் பேட்டியளித்த அவர், “2026 சட்டமன்றத் தேர்தல் வாக்கு பதிவு விறுவிறுப்பாக நடைபெறுகிறது. பெண்களும், இளைஞர்களும் அதிகளவு வாக்களித்து வருகின்றனர்.
தேர்தல் பரபரப்பிற்கு மத்தியிலும், தி.மு.க இன்று காலை வரை கோல்ட் காயின், சில்வர் காயின் என டிராமா பண்ணுகிறது. ஆட்சி மாற்றம் தேவை என்பதில் மக்கள் உறுதியாக இருக்கின்றனர். வாக்குறுதிகளை நிறைவேற்ற கோரி 6 மாத காலமாகப் போராடிக்கொண்டு இருப்பவர்களுக்கு விரைவில் தீர்வு கிடைக்கும்.
கோவை தெற்கு தொகுதியில் தேர்தல் கமிசன் கண்ணில் மண்ணைத் தூவி அராஜாகம் நடந்து கொண்டு இருக்கின்றது. தூங்கி கொண்டு இருப்பவர்களை எழுப்பி கோல்ட் காயின், சில்வர் காயின் என ஏமாற்றி வருகின்றனர். கோவை மாநகராட்சியில் இதே மாதிரி டிராமா செய்தார்கள். ஆட்சி மாற்றம் நிச்சயமாக வேண்டும், மக்கள் இதைச் செய்வார்கள்” என்றார்.
பாஜக மாநில முன்னாள் தலைவர் அண்ணாமலை, தவெக தலைவர் விஜய் டிரஸ் கோட்டில் வந்து வாக்களித்தது குறித்த கேள்விக்கு, “விஜய்யோட டிரஸ் கோடு என்பது காமன். டிரஸில் என்ன இருக்கிறது. இளைஞர் சக்தியால் எதுவும் முடியும். இன்ஸ்டா, சமூக ஊடகத்தில் இருப்பது அல்ல அரசியல். 2 மணி நேர சினிமா என்பது வேறு, அரசியல் என்பது வேறு. இன்ஸ்டா என்பது ஒரு டூல். முடிவெடுப்பதில் புத்திசாலித்தனம் வேண்டும்” எனப் பதிலளித்தார்.
