ஆனந்த விகடன் சினிமா விருதுகள் நிகழ்வில் சிறந்த அறிமுக இயக்குநர் விருதை ‘டூரிஸ்ட் ஃபேமிலி’ திரைப்படத்துக்காக அபிஷன் ஜீவிந்த் பெற்றார்.
விருது பெற்று பேசிய அவர், “விகடன் விருதை தூக்கிப் பார்க்க வேண்டும் என எல்லாருக்கும் ரொம்ப ஆசை இருக்கும். இன்னைக்கு அதைத் தூக்கிட்டேன்.
அதுவும் என்னுடைய முதல் படத்துல இது நடந்திருக்கறது என நினைக்கும்போது மிகவும் சந்தோஷமா இருக்கிறது. அதுவும் சிவராஜ்குமார் சார் கையால வாங்கியிருக்கிறது இன்னும் எக்ஸ்ட்ரா சந்தோஷம்.
சார் எனக்காகத்தான் வந்தாங்க, அவருக்கு ரொம்ப நன்றி. இந்த விருது என்னோட லைஃப் டைம்ல மறக்க முடியாத ஒரு விருது. டூரிஸ்ட் ஃபேமிலி ஃபர்ஸ்ட் ஷோ பார்க்கும்போது கொஞ்சம் பயமாகத்தான் இருந்தது.
நாங்க எல்லாருமே பயந்துதான் உட்கார்ந்திருந்தோம். ஏன்னா மக்கள் எப்படி ரியாக்ட் பண்ணுவாங்கன்னு தெரியலை. ஆனா அந்த ஓப்பனிங் சீன், ராமேஸ்வரம் போர்ஷன் வந்த உடனேயே எல்லாரும் கைதட்ட ஆரம்பிச்சிட்டாங்க.
அங்க இருந்து கொஞ்சம் கொஞ்சமா அந்த கான்ஃபிடன்ஸ் வர ஆரம்பிச்சிருச்சு. படம் முழுவதும் மக்கள் ரியாக்ட் செய்ய ஆரம்பிச்ச உடனே எங்களுக்கு ரொம்ப நம்பிக்கை வந்துடுச்சு.” என்றார்.
