திருப்பதி ஏழுமலையான் கோயிலுக்குச் செல்பவர்கள் மொட்டை போட்டுக்கொள்வது வழக்கம். ஏழுமலையானைத் தரிசிக்க வருபவர்களில் தினமும் ஆயிரக்கணக்கானோர் மொட்டை போட்டுக்கொள்கின்றனர்.
அவ்வாறு மொட்டை போட்டுக்கொள்பவர்களின் முடியை திருப்பதி கோயில் நிர்வாகம் சேகரித்து அதனை ஏலம் முறையில் ஒவ்வொரு ஆண்டும் விற்பனை செய்து கோடிக்கணக்கில் வருவாய் பெறுகிறது . முடியை நீளம், கலர் அடிப்படையில் தரம் பிரித்து விற்பனை செய்கின்றனர்.
இந்த ஆண்டு முடியைத் தரம் பிரித்து ஏலம் விடப்பட்டது. இதில் அதிக நீளமுள்ள கருப்பு கலர் 27 இஞ்ச் முடியை விற்பனை செய்ய குறைந்தபட்ச விலையாக ஒரு கிலோ ரூ.76913 எனக் கோயில் தேவஸ்தம் போர்டு நிர்ணயம் செய்து இருந்தது.
ஆன்லைன் மூலம் இதற்கு டெண்டர் விடப்பட்டது. இதில் அதிகபட்சமாக 84314 ரூபாயிக்கு ஒரு கிலோ ஏலம் போனது. மொத்தம் 27 இஞ்ச் முடி 97.3 டன் இருந்தது. இதன் மூலம் கோயிலுக்கு 119 கோடி வருமானம் கிடைத்தது.
இதே கருப்பு கலர் கொண்ட 10.3 இஞ்ச் நீளமுள்ள முடியின் விலை ரூ.34209 என்ற விலையில் விற்பனையானது. அதேசமயம் 27 இஞ்ச் முடிக்குத் தரத்தின் அடிப்படையில் விலை நிர்ணயம் செய்யப்படுகிறது. இதே 27 இஞ்ச் சாம்பல் நிற முடியின் விலை விலை ரூ.60 ஆயிரத்திற்கும், 10.3 இஞ்ச் முடி ரூ.23434க்கும் விற்பனையானது.
