இரண்டு பேருடைய தேர்தல் அறிக்கையையும் பாருங்கள். ஒருவர் 10000 ரூபாய் கொடுத்தால் இன்னொருவர் 8000 ரூபாய் கூப்பன் கொடுக்கிறார். இதிலிருந்து இருவருமே ஒரே குடையின் கீழ் உள்ள ஊழல் கூட்டம் என்பது தெரியவருகிறது. நம்மால் செய்ய முடிவதை மட்டுமே இங்கே சொல்கிறோம். சொல்லாததையும் ஆட்சிக்கு வந்த பிறகு செய்வோம்.’ என்றார்.
விஜய் அறிவித்த வாக்குறுதிகள்:
60 வயதுக்குட்பட்ட மகளிருக்கும் மாதம் 2500 ரூபாய்.
ஆண்டுக்கு ஒரு குடும்பத்துக்கு 6 சிலிண்டர்கள் இலவசம்.
100 காமராஜர் சிறப்புப் பள்ளிகள் உருவாக்கப்படும்.
பள்ளிகளின் கட்டமைப்பு நவீனப்படுத்தப்படும்.
மாணவர்களுக்கு 20 லட்ச ரூபாய் வரை பிணையில்லா கடன் வழங்கப்படும்.
மாணவர்களுக்கு இலவச போட்டித் தேர்வு பயிற்சி.
போதைப் பொருள் இல்லா பள்ளிக் கல்லூரிகளை உருவாக்க நடவடிக்கை.
ஒரு குடும்பத்துக்கு ஆண்டுக்கு 25 லட்ச ரூபாய்க்கு மருத்துவக் காப்பீடு
வாக்குறுதிகளை வெளியிட்டுப் பேசிய விஜய், “வேட்பாளர்களும் நானும் வேறில்லை. மே 4 ஆம் தேதி புதிய ஒளி கிடைக்க வேண்டும். பெண்கள் எல்லோருக்கும் ஒரு கோரிக்கை. உங்கள் வீட்டு வாசலில் விசிலை கோலமாகப் போடுங்கள்.
தமிழ்நாடுக்கு என்னவாக இருந்தாலும் என் தொகுதிக்கு நான் எம்.எல்.ஏ-தானே. பெரம்பூருக்கும் திருச்சி கிழக்கும் மாதம் ஒரு முறை கட்டாயம் வருவேன். நீங்கள் என்னைச் சந்தித்து கோரிக்கைகளை தெரிவிக்கலாம். நீங்கள் கேட்காமலே நான் எல்லாமும் செய்து கொடுப்பேன்” என்றார்.
