சக்சஸ் மீட்டில் மமிதா பைஜூ பேசுகையில், “‘சூப்பர் சரண்யா’ படம் ரிலீஸாகாத சமயத்திலேயே இயக்குநர் கிரிஷ் என்னிடம் இந்த ‘பெத்லஹேம் குடும்ப யூனிட்’ படத்தின் கதையைக் கூறினார்.
அப்போதே இந்தப் பாத்திரத்தில் நான் நடித்தால் நன்றாக இருக்கும் என்றும் சொன்னார். எந்த நம்பிக்கையில் அன்று இதனை சொன்னார் என்று எனக்கு இன்றும் தெரியவில்லை.
இன்று இந்தப் படத்தின் வெற்றி மேடையில் நிற்கும் நான், இயக்குநருக்கு ‘நன்றி’ என்பதைத் தவிர வேறு எதையும் சொல்ல விரும்புவதில்லை.
‘பிரேமலு’, ‘பெத்லஹேம் குடும்ப யூனிட்’ என என்னால் ஒரு முதன்மை கதாநாயகியாக நடித்துப் படத்தைத் தாங்கிப் பிடிக்க முடியும் என்று எனக்கே நம்பிக்கை இல்லாத ஒரு சூழலில், அவர் என் மீது தீவிர நம்பிக்கை வைத்தார். அவருக்கு நான் என்றென்றும் கடமைப்பட்டுள்ளேன்!” எனப் பேசியிருக்கிறார்.
