தவெக தலைவரும் முதலமைச்சருமான விஜயை வரும் திங்கட்கிழமை அவரது இல்லத்தில் நேரில் சந்திக்கும் விஜயபாஸ்கர், அப்போது கட்சியில் அதிகாரப்பூர்வமாக இணைந்து கொள்வார் என எதிர்பார்க்கப்படுகிறது. இதனைத் தொடர்ந்து, சென்னை ஈசிஆரில் உள்ள ஆர்.கே. கன்வென்ஷன் சென்டரில் நடைபெற உள்ள நிகழ்ச்சியில் தவெக பொதுச்செயலாளர் ஆனந்த் மற்றும் அமைச்சர்கள் முன்னிலையில் விஜயபாஸ்கருடன் புதுக்கோட்டை மாவட்டத்தைச் சேர்ந்த முக்கிய நிர்வாகிகள் மற்றும் அவரது ஆதரவாளர்களும் தவெகவில் இணைய உள்ளதாக கூறப்படுகிறது.
முன்னதாக, தனது எம்.எல்.ஏ. பதவியை ராஜினாமா செய்த விஜயபாஸ்கர், அதிமுக தலைமையின் செயல்பாடுகள் குறித்து சமூக வலைதளங்கள் வாயிலாக மறைமுக அதிருப்தியை வெளிப்படுத்தி வந்தார். இதன் தொடர்ச்சியாகவே அவர் புதிய அரசியல் முடிவை எடுத்துள்ளதாக அவரது ஆதரவாளர்கள் தெரிவிக்கின்றனர்.
