விண்வெளி என்றாலே நம் நினைவுக்கு வருவது செயற்கைக்கோள்கள், விண்வெளி ஆய்வுகள், நிலவு, செவ்வாய் போன்றவைதான். ஆனால், இனி விண்வெளி என்பது ஆய்வுக்கான இடம் மட்டுமல்ல… ராணுவப் போட்டிக்கான களமாகவும் மாறுகிறதா? என்ற கேள்வியை எழுப்பியுள்ளது அமெரிக்காவின் புதிய அறிவிப்பு.
அமெரிக்காவிடம் தற்போது orbit-ல் ‘space control weapons’ இருப்பதாக அமெரிக்க விமானப்படைச் செயலாளர் Troy Meink தெரிவித்துள்ளார். செப்டம்பர் 14-ம் தேதி Maryland-ல் நடைபெற்ற Air, Space & Cyber Conference-ல் அவர் இந்த தகவலை வெளியிட்டார். இது விண்வெளியில் அமெரிக்கா ஆயுதத் திறன்களை வைத்திருப்பது குறித்து அந்நாடு வெளிப்படையாக தெரிவித்துள்ள முக்கியமான அறிவிப்பாக பார்க்கப்படுகிறது.
என்ன ஆயுதம்?
இதுதான் இந்தச் செய்தியில் இருக்கும் மிகப்பெரிய கேள்வி!
Troy Meink எந்த வகையான ஆயுதம், அதன் குறிப்பிட்ட திறன் என்ன, எப்போது orbit-ல் நிலைநிறுத்தப்பட்டது போன்ற விவரங்களை வெளியிடவில்லை. அமெரிக்க Space Force மட்டும், இவை “space control” பணிகளுக்கான capabilities என்று தெரிவித்துள்ளது.
Space control என்பது விண்வெளியில் எதிரியின் திறன்களை எதிர்கொள்வது தொடர்பான பரந்த ராணுவப் பணிகளைக் குறிக்கிறது. இதில் defensive மற்றும் offensive capabilities இரண்டும் இருப்பதாக அமெரிக்கா கூறியுள்ளது.
ஏன் இப்போது இந்த அறிவிப்பு?
இதற்குப் பின்னால் சீனா மற்றும் ரஷ்யா முக்கிய காரணிகளாகக் கூறப்படுகின்றன.
அமெரிக்க Space Force-ன் பார்வையில், இரு நாடுகளும் விண்வெளி மற்றும் counterspace capabilities-ஐ தொடர்ந்து மேம்படுத்தி வருகின்றன. இதனால், தங்களுடைய விண்வெளி assets மற்றும் ராணுவப் படைகளைப் பாதுகாப்பதற்கான திறன்களை அமெரிக்கா அதிகரித்து வருவதாகக் கூறுகிறது.
