EPFO SWP திட்டம்: ஓய்வுக்குப் பிறகு PF பணத்தைத் தவணையாகப் பெறலாம்!|Don’t Withdraw Your Entire PF at Retirement! EPFO’s New Plan

Spread the love

ஊழியர்களின் வருங்கால வைப்பு நிதி அமைப்பு (EPFO), ஓய்வுக்குப் பிறகு பி.எஃப். சேமிப்புத் தொகையை மொத்தமாக எடுப்பதற்குப் பதிலாக, தவணை முறையில் பெற்றுக்கொள்ளும் வகையில் Systematic Withdrawal Plan-க்கு (SWP) ஒப்புதல் அளித்துள்ளது.

இந்தப் புதிய வசதியின் கீழ், ஓய்வுபெற்றவர்கள் தங்களது சேமிப்பிலிருந்து குறிப்பிட்ட கால இடைவெளியில் பணத்தைப் பெற்றுக்கொள்ள முடியும்.

அதே சமயம், கணக்கில் மீதமிருக்கும் பி.எஃப். தொகைக்கு வழக்கமான இ.பி.எஃப். வட்டி விகிதத்தில் தொடர்ந்து வட்டி கிடைத்துக்கொண்டே இருக்கும்.

உதாரணத்திற்கு, ஒரு ஊழியர் ஓய்வு பெறும்போது அவரது பி.எஃப். கணக்கில் ரூ.30 லட்சம் இருப்பதாக வைத்துக்கொள்வோம்.

அவர் அந்த முழுத் தொகையையும் ஒரே நேரத்தில் எடுப்பதற்குப் பதிலாக, சிறிய தவணைகளாகப் பிரித்துப் பெற்றுக்கொள்ளலாம்.

இது மூன்று வகைப்படுகிறது.

ஒன்று, பி.எஃப். சேமிப்பைக் குறிப்பிட்ட கால இடைவெளியில் (மாதந்தோறும் அல்லது காலாண்டுக்கு ஒருமுறை) தொடர்ந்து பெற்றுக்கொள்வது,

இன்னொன்று, ஒரு குறிப்பிட்ட தொகையை உடனடியாக மொத்தமாக எடுத்துக்கொண்டு, மீதமுள்ள தொகையைத் தவணை முறையில் பெறுவது,

மற்றொன்று, அசல் தொகையை அப்படியே முதலீட்டில் வைத்துவிட்டு, அதற்குக் கிடைக்கும் வட்டியை மட்டும் எடுத்துக்கொள்வது.

நன்றி

Leave a Reply

Your email address will not be published. Required fields are marked *