வங்கக் கடலில் மையம் கொண்டுள்ள அக்வான் புயல் குறித்த இந்திய வானிலை மையத்தின் லேட்டஸ்ட் அப்டேட்…
“தெற்கு வங்கக்கடலின் மத்தியப் பகுதிகள் மற்றும் அதனை ஒட்டிய மத்திய மேற்கு வங்கக்கடலில் நிலைகொண்டுள்ள ‘அக்வான்’ புயல், நவம்பர் 16-ம் தேதி இரவு 11:30 மணி நிலவரப்படி பெரிய அளவில் நகராமல் ஒரே இடத்தில் நிலைகொண்டிருந்தது.
சென்னைக்கு கிழக்கே…
இது சென்னைக்கு கிழக்கே 610 கி.மீ. தொலைவிலும், திருகோணமலைக்கு வடகிழக்கே 630 கி.மீ. தொலைவிலும், மசூலிப்பட்டினத்திற்கு தென்கிழக்கே 660 கி.மீ. தொலைவிலும், விசாகப்பட்டினத்திற்கு தெற்கு-தென்கிழக்கே 670 கி.மீ. தொலைவிலும், கோபால்பூருக்கு தெற்கே 790 கி.மீ. தொலைவிலும் மையம் கொண்டுள்ளது.
CS Akvan over central parts of South & adjoining Westcentral BoB remained practically stationary at 2330 IST 16 Nov, 610 km E of Chennai, 630 km NE of Trincomalee, 660 km SE of Machilipatnam, 670 km SSE of Visakhapatnam & 790 km S of Gopalpur. https://t.co/kpej4pHwC0
— India Meteorological Department (@Indiametdept) November 16, 2026
எப்போது கரையைக் கடக்கிறது?
நவம்பர் 17-ம் தேதி மாலைக்குள் இது தீவிரப் புயலாகவும், நவம்பர் 19-ம் தேதி காலை வாக்கில் அதிதீவிரப் புயலாகவும் வலுப்பெற வாய்ப்புள்ளது.
நவம்பர் 20-ம் தேதி நண்பகல் வாக்கில், ஆந்திரப் பிரதேசம் மற்றும் ஏனாம் பகுதிகளில் உள்ள நெல்லூர் மற்றும் துனி இடையே மணிக்கு 120 முதல் 130 கி.மீ. வேகத்திலும், இடையிடையே 145 கி.மீ. வேகத்திலும் பலத்த காற்றுடன் இது கரையைக் கடக்கக்கூடும்”