இந்த வாரம் தியேட்டர் மற்றும் ஓடிடி-யில் வெளியாகியிருக்கும் படங்கள் இவைதான்!
ஸ்பைடர்-மேன்: பிராண்ட் நியூ டே (Spider Man: Brand New Day)
டெஸ்டின் டேனியல் கிரெட்டன் இயக்கியுள்ள இப்படத்தில் டாம் ஹாலண்ட், ஜெண்டயா, ஜான் பெர்ன்தால் உள்ளிட்டோர் நடித்துள்ளனர்.
“ஸ்பைடர்-மேன்: பிராண்ட் நியூ டே’, மார்வெலின் 38-வது படமாக உருவாகியுள்ளது. இத்திரைப்படம் (ஜூலை 30) திரையரங்குகளில் வெளியாகியுள்ளது.
புளூட்டோ (Pluto – மலையாளம்)
ஆதித்யன் சந்திரசேகர் இயக்கியுள்ள இப்படத்தில் நீரஜ் மாதவ், அல்தாப் சலீம், அஜு வர்கீஸ், ஆர்ஷா பைஜு உள்ளிட்டோர் நடித்துள்ளனர். ‘விக்கி’ என்ற கதாபாத்திரம், தனித்து விடப்பட்ட ஒரு வேற்றுக்கிரகவாசியைச் சந்திக்கும்போது, அவர்களின் எதிர்பாராத நட்பு இருவரின் வாழ்க்கையையும் என்றென்றைக்குமாக மாற்றிவிடுகிறது.
நகைச்சுவை மற்றும் சாகசங்கள் நிறைந்த கலகலப்பான அறிவியல் புனைவே (Sci-Fi) இதன் கதைக்களம். இத்திரைப்படம் (ஜூலை 30) திரையரங்குகளில் வெளியாகியுள்ளது.
உன்மத்தம் (Unmatham – மலையாளம்)
கிரண் தாஸ் இயக்கியுள்ள இப்படத்தில் குஞ்சாக்கோ போபன், லிஜோமோல் ஜோஸ், சித்திக் ஆகியோர் நடித்துள்ளனர். தனது கடந்த காலத்தின் சுமையைச் சுமக்கும் ஒரு காவலர், நீண்ட காலமாக மறக்கப்பட்ட மற்றும் தீர்க்கப்படாத ஒரு வழக்கின் விசாரணையில் ஈடுபடுகிறார்.
அவர் அதை ஆழமாக ஆராயும்போது மறைக்கப்பட்ட ரகசியங்கள் வெளிவரத் தொடங்குகின்றன. இதனால், தனது நம்பிக்கைகளுக்குச் சவால் விடும் மற்றும் தன் வாழ்க்கையையே என்றென்றும் மாற்றியமைக்கக்கூடிய சங்கடமான உண்மைகளை அவர் எதிர்கொள்ள வேண்டிய கட்டாயம் ஏற்படுகிறது. இதுவே இதன் கதைக்களம். இத்திரைப்படம் (ஜூலை 31) திரையரங்குகளில் வெளியாகியுள்ளது.
