முதியவர்களுக்கு புராஸ்டேட் அறுவை சிகிச்சை செய்யும்போது சோடியம் அளவைக் கண்காணிப்பது சிறுநீரக மருத்துவர்களுக்கு மிக முக்கியமானது. அறுவை சிகிச்சையின் தூண்டுதலால்கூட (Surgery induced) சோடியம் அளவு குறையலாம். அறுவை சிகிச்சையின் போது சோடியம் அளவு 125-க்குக் கீழ் குறைந்தால், அந்த நோயாளிக்கு உடனடியாக சிகிச்சை அளிக்க வேண்டியது அவசியமாகிறது. இது ஆண், பெண் இருபாலருக்குமே வயது முதிர்ந்த காலத்தில் பல காரணங்களால் ஏற்படலாம்.
சிறுநீரகச் செயலிழப்பு (Kidney failure) உள்ள நோயாளிகளை 5 கிராமுக்குள் உப்பு எடுத்துக் கொள்ளுமாறு மருத்துவர்கள் அறிவுறுத்துகிறோம். அதேபோல், ரத்த அழுத்த நோயாளிகளையும் உப்பைக் கட்டுப்படுத்தச் சொல்வோம்.
உப்புச்சத்தை அளவுக்கு அதிகமாகக் கட்டுப்படுத்தும்போது குழப்பம் போன்ற பிரச்னைகள் வரும். குறிப்பாக, அதிகப்படியான வியர்வை வெளியேறும் போதும் அல்லது பேதி (Loose motion) ஆகும் போதும் உடலில் இருந்து எலக்ட்ரோலைட்ஸ் மற்றும் சோடியம் இழப்பு (Sodium loss) அதிகமாக ஏற்படும். அந்த நேரத்தில் உப்பை முற்றிலும் தவிர்த்தால் அது பெரிய பொதுநல பாதிப்புகளை உண்டாக்கும்.
எதையும் மருத்துவரின் கண்காணிப்பிலோ அல்லது ஆலோசனைப்படியோ மட்டுமே செய்ய வேண்டும். எனவே, உங்கள் வாழ்க்கை, உணவுமுறை, ஆரோக்கியம், நேரம், தொழில் மற்றும் குடும்பம் என அனைத்தையும் சமநிலையில் வைத்திருங்கள். சமநிலையான வாழ்க்கைதான் குடும்பத்திற்கும், சமுதாயத்திற்கும் மகிழ்ச்சியைத் தரும்.
உங்கள் கேள்விகளை கமென்ட் பகுதியில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.
