சத்தியவான் சாவித்திரி விமர்சனம்: நவீன சாவித்திரியின் கதை – கவனம் பெறுகிறதா இந்த குறுக்கு விசாரணை? | Keerthy Suresh and Mysskin starrer Sathyavan Savithiri movie review

Spread the love

ஆனால், இந்த யோசனைகள் அதே முழுமையுடன் திரைக்கு வருவதில் நிறையத் தடுமாற்றங்கள். கதாபாத்திரங்களின் முடிவுகளும் சம்பவங்களும் இயல்பாக வளராமல், இறுதித் திருப்பத்தை நோக்கியே நகர்வது சிக்கல். இதனால் சுவாரஸ்யமான திருப்பங்கள்கூட எதிர்பார்த்த தாக்கத்தை ஏற்படுத்தத் தவறுகின்றன. விருப்பமில்லாத திருமணத்தைச் சாவித்திரி ஏற்றுக்கொள்வதும், தீபக்கின் மீது காதல் உருவாவதும் என முக்கிய அம்சங்கள் அவசரமாகக் கடந்துபோகின்றன. பெண்களின் சுதந்திரம், ஆணாதிக்கம், திருமண உறவின் சிக்கல்கள், நீதித்துறையின் குறைபாடுகள் எனப் பலவற்றைப் பேச முற்படும் படம், எதையும் ஆழமாக அணுகவில்லை. நீதிமன்ற விவாதங்களில்கூட சட்டப்பிரிவுகளையும் ஆதாரங்களையும் விட டிராமாவே மேலோங்குகிறது. ஒரு கட்டத்தில் நீதிமன்ற டிராமாவைவிட, அடுத்தடுத்த ரகசியங்களை வெளிப்படுத்தும் புலனாய்வுத் திரில்லராகவே படம் நகர்கிறது.

சத்தியவான் சாவித்திரி விமர்சனம்

சத்தியவான் சாவித்திரி விமர்சனம்

அதே சமயம், முதல் பாதியில் காதல், நகைச்சுவை, நீதிமன்ற டிராமா எனத் திரைக்கதை தடுமாறினாலும், இரண்டாம் பாதியில் தனிப்பட்ட பகையாக மாறும் சட்டப் போராட்டம் ஆர்வத்தைத் தூண்டுகிறது. இறுதித் திருப்பத்தின் சர்ப்ரைஸும் காக்கப்படுகிறது. ஆனால், அந்தத் திருப்பத்துக்காகவே சில காட்சிகள் செயற்கையாக வடிவமைக்கப்பட்டிருப்பதும் வெளிப்படையாகத் தெரிகிறது. கதாபாத்திரங்கள் தங்கள் இயல்புக்கு ஏற்ப முடிவெடுப்பதைவிட, திரைக்கதைக்குத் தேவையான இடத்தில் தேவையான முடிவுகளை நம்ப முடியாத வகையில் எடுக்கின்றன.

நன்றி

Leave a Reply

Your email address will not be published. Required fields are marked *