“மன்னர் அப்டேட்டா சிந்திக்கிறாரா?”
“ஆமா. போரில் புறமுதுகிட்டு ஓடிவருவதை ‘ரோடு ஷோ’ன்னு அழைக்கும்படி உத்தரவு போட்டுட்டார்!”
– எஸ்.முகம்மது யூசுப்
“ஞாபகமறதிக்குத்தான் மருந்து குடுத்தேனே, மறுபடியும் ஏன் வந்து நிக்கிறீங்க?”
“ஒரு நாளைக்கு எத்தனை வேளை சாப்பிடணும்னு நீங்க சொன்னதை மறந்துட்டேன் டாக்டர்!”
– எம்.ஏ.ஆதம்
“தலைவரோட பேச்சுல எப்பவும் ரெண்டு விஷயத்துக்கு நடுவுலதான் போட்டியே!”
“அடடே… எந்த ரெண்டைச் சொல்ற?”
“ஒண்ணு உளறல்; இன்னொண்ணு உதறல்!”
– சு.அருண் பிரகாஷ்
“இடைத்தேர்தல்ல நின்னு என்ன தெரிஞ்சுக்கிட்டீங்க?”
“அரசியல்வாதிகளோட பட்டப்பெயரெல்லாம் தெரிஞ்சுக்கிட்டேன்!”
– கி.பாலமுருகன்
