“கொஞ்ச நாளா தூக்கமே இல்லை!”
“டாக்டரைப் பார்க்க வேண்டியதுதானே?”
“பார்த்தேன்… ‘கரன்ட் பிரச்னைக்கு நான் ஒண்ணும் பண்ண முடியாது’ன்னு சொல்லிட்டார்!”
– சு.அருண் பிரகாஷ்
“டாக்டர் கொஞ்ச நாளா என் புருஷனுக்குக் காது கேக்க மாட்டேங்குது?”
“சட்டசபை நிகழ்வுகளை ஹெட்போன் போட்டுப் பார்க்கச் சொல்லாதீங்க. சீக்கிரம் குணமாகிடும்.”
– ஆதவன்
“அந்த ஆட்டோக்காரர் முன்னாள் எம்.எல்.ஏ-ன்னு எப்படிச் சொல்றீங்க?”
“ ‘சட்டசபைக்கு ஆட்டோ இலவசம்’னு எழுதி வெச்சிருக்காரே!”
– எம்.பி.தினேஷ்
“தலைவர் மேடையில் பேசுவதாக சில போலி வீடியோக்கள் வருவதாக அறிகிறோம். தலைவரின் இமேஜை பாதிக்கும் எந்த ஒரு விஷயத்தையும், நாங்கள் எதிர்க்காமல் விட மாட்டோம்!”
– தே.ராஜாசிங் ஜெயக்குமார்.
