தமிழ்நாடு காங்கிரஸ் கமிட்டியின் மாநில பொதுச்செயலாளர் கணபதி சிவக்குமார், “தமிழ்நாட்டு அரசியலில் நாளுக்கு நாள் தி.மு.க-வின் நிலை மிக மோசமான மாறி வருகிறது என்பதை தனது புலம்பல் அறிக்கைகள் மூலம் வெளிப்படுத்தி வரும் தி.மு.க தலைவர் மு.க.ஸ்டாலின் இன்று கொடுத்த பிரஸ் மீட் தி.மு.க-வின் நிலையை குலைய செய்துள்ளது. அம்பாசமுத்திரம் தொகுதியில் சீமானுக்கு தி.மு.க ஆதரவளிக்குமா என கேட்டதற்கு நீங்கள் சொன்ன பதில் தான் அதற்கு காரணம்.
நீங்கள் என்ன சொன்னீர்களோ, அதை தெரிந்து தான் சொன்னீர்களா என தி.மு.க-வின் தொண்டர்களே கன்ஃபியூஸ் ஆகி நிற்கிறார்கள். ஒரே வார்த்தையில் இல்லை, தி.மு.க வேட்பாளரை களமிறக்கும் என சொல்வீர்கள் என பார்த்தால், இப்படி ‘தேர்தல் வரட்டும் பார்க்கலாம்’ என சொல்வது நகைப்பாக உள்ளது. ஒருபக்கம் தனுஷ்காக காத்திருக்கும் அ.தி.மு.க பொதுச்செயலாளர், மறுபக்கம் சீமானுக்காக காத்திருக்கும் தி.மு.க தலைவர். இது என்ன கொடுமை சார் இது என கேட்கும் வகையில் உள்ளது.
போகிற போக்கை பார்த்தால் மதச்சார்பற்ற சமூகநீதி வெற்றி கூட்டணி ஆட்சியில் பல கட்சிகளின் சாயம் வெளுத்து திரைமறைவு நாடகங்கள் வெளிப்படும் போலவே. என்னதான் அவதூறு பரப்பினாலும், அறிக்கைகள் மூலம் புலம்பி அழுதாலும் மக்களுக்கான இந்த கூட்டணி ஆட்சியை அசைத்துக்கூட பார்க்க முடியாது ஸ்டாலின் சார். அரசியல் லாபத்திற்காக அ.தி.மு.க-வுடனான உங்கள் ரகசிய கூட்டு எப்படி வெளிப்பட்டதோ, அதேபோல தற்போது நா.த.க-வுடனான தங்கள் கரிசனமும் வெளிப்படத்தொடங்கியுள்ளது.இதேபோல விரைவில் பா.ஜ.க-வுடனான தங்களது திரைமறைவு நாடகங்களும் அம்பலப்படும். அதையும் தமிழ்நாட்டு மக்கள் பார்க்கத்தான் போகிறார்கள் ஸ்டாலின் சார்” எனத் தெரிவித்துள்ளார்.
