கோவை காரமடை தமிழக வெற்றிக் கழக ஒன்றிய செயலாளர் கருப்பசாமி, தவெக பெண் ஊராட்சி செயலருக்கு பாலியல் தொந்தரவு அளித்ததாகவும், கொலை மிரட்டல் மற்றும் சாதி வன்கொடுமை செய்வதாகவும் மாவட்ட ஆட்சியரிடம் புகார் அளித்திருக்கிறார். இது தொடர்பாக பாஜக தலைவர் வானதி சீனிவாசன் தன் எக்ஸ் பக்கத்தில், “கோவை காரமடை தமிழக வெற்றிக் கழக ஒன்றிய செயலாளர் கருப்பசாமி என்பவர் தவெக பெண் ஊராட்சி செயலருக்கு பாலியல் தொந்தரவு அளித்ததாகவும் மேலும் கொலை மிரட்டல் மற்றும் சாதி வன்கொடுமை செய்வதாகவும் மாவட்ட ஆட்சியர், காவல் கண்காணிப்பாளரிடம் புகார் அளித்துள்ள செய்தியானது அதிர்ச்சி அளிக்கிறது.
சொந்தக் கட்சிக்குள்ளேயே பெண்களை இது போன்ற வக்கிர புத்தியுடன் அணுகும் நபர்களைக் கொண்ட தவெக தமிழகப் பெண்களுக்கு எப்படி பாதுகாப்பு அளிக்கப் போகிறது? பிரச்சார மேடைகளில் ரெண்டே ரெண்டு பேருக்கு நடுவுல தான் போட்டியே என்று முதல்வர் விஜய் அவர்கள் பேசியதன் அர்த்தம் இப்போதுதான் தமிழக மக்களுக்கு தெரிய வந்திருக்கிறது. கடந்த கால திமுக அரசு பெண்கள் பாதுகாப்பிலும் சட்டம் ஒழுங்கிலும் எப்படி திராணியற்ற அரசாக விளங்கியதோ அதையேதான் தற்போதைய தவெக அரசும் ஒரு படி மேலே செய்து வருகிறது.
