சுமார் 15 மணி நேர போராட்டத்திற்கு பிறகு சாலை சீரமைக்கும் பணி நிறைவு பெற்றது. மேலும் சாலைப் பிளவு ஏற்பட்டுள்ள காரணத்தால் இந்த பகுதியில் பாதுகாப்பிற்காக மணல் மூட்டைகள் மற்றும் அறிவிப்பு தடுப்பு பேனர்கள் வைக்கப்பட்டு உள்ளன. இதையடுத்து வால்பாறை, அட்டகட்டி, காடம்பாறை உள்ளிட்ட பகுதிகளுக்கு செல்லும் அரசு ஊழியர்களுக்கும், உள்ளூர் வாசிகளுக்கும், அரசு பேருந்துகளுக்கும் மட்டும் தற்போது அனுமதி அளிக்கப்பட்டுள்ளது. சுற்றுலா பயணிகள் வால்பாறை பகுதிக்குச் செல்ல தற்காலிகமாக தடை விதிக்கப்பட்டுள்ளது. ஆழியார் வனத்துறை சோதனைச் சாவடியில் வாகனங்களை நிறுத்தி வனத்துறையினர் திருப்பி அனுப்பி வருகின்றனர்.
