உலகின் டாப் பணக்காரர் எலான் மஸ்க் நேற்று (அக்டோபர் 7) தனது எக்ஸ் பக்கத்தில் பதிவு ஒன்றைப் பதிவிட்டிருந்தார்.
அது “துரதிர்ஷ்டவசமாக, இந்திய மக்கள் மீதான தங்களின் ஏகபோக ஆதிக்கத்தைத் தொடர்ந்து தக்கவைத்துக்கொள்ள சில பெருமுதலாளிகள் எங்களைத் தடுத்து நிறுத்துகிறார்கள்.
அவர்கள் யார் என்பதை நீங்களே ஊகித்துக்கொள்ளலாம்.
இது இந்திய மக்களுக்கு எதிராகச் செய்யப்படும் ஒரு குற்றம்” என்று கூறியிருந்தது.
இதையடுத்து இந்தியாவில் யார் ஸ்டார்லிங்க்கைத் தடுப்பது… அந்தப் பெருமுதலாளி யார் போன்ற கேள்விகளை எழுப்பியது.
அந்த அறிக்கையில், “இந்தியாவின் செயற்கைக்கோள் தகவல் தொடர்புச் சேவைகளுக்கான அரசாங்க விதிமுறைகள் மற்றும் வழிகாட்டுதல்கள் நியாயமற்ற முறையில், சிலருக்குச் சாதகமாகச் செயல்படுவதாகச் சமூக வலைத்தளங்களில் ஒரு பதிவு பரவி வருகிறது.
செயற்கைக்கோள் தகவல் தொடர்புச் சேவைகள் உட்பட அனைத்துத் தொலைத்தொடர்புச் சேவைகளுக்கும் மத்திய அரசு முற்றிலும் நியாயமான, எந்தவொரு பாகுபாடும் இல்லாத ஒரு அனுமதி வழங்கும் நடைமுறையையே உருவாக்கியுள்ளது.
