சுவாசக்கருவிகளின் மூலம் அவருக்கு தீவிர சிகிச்சை அளித்து கவனித்து வருவதாக மருத்துவமனை தரப்பிலிருந்து அறிக்கை வெளியானது. இதனைத் தொடர்ந்து முதல்வர் விஜய்யும் மருத்துவமனைக்கு நேரில் சென்று வி.எஸ்.பாபுவை சந்தித்து நலம் விசாரித்திருந்தார். சிகிச்சைக்கு வி.எஸ்.பாபுவின் உடல்நிலை ஒத்துழைப்பதாகவும் முன்னேற்றம் இருப்பதாகவும் மருத்துவமனை தரப்பில் கடைசியாக செப்டம்பர் 22 ஆம் தேதி அறிக்கை வெளியானது. அதன்பின் மருத்துவமனை தரப்பிலிருந்து எந்த அறிக்கையும் வெளியாகவில்லை.
சில நாட்களுக்கு முன்பு பத்திரிகையாளர்களிடம் பேசிய அமைச்சர் மரியவில்சன், “வி.எஸ்.பாபுவின் உடல்நிலையில் மெதுவான முன்னேற்றமே இருக்கிறது’ எனக் கூறியிருந்தார்.
தொடர்ந்து தீவிர சிகிச்சைப் பிரிவில் உயிர் காக்கும் கருவிகளின் உதவியோடு சிகிச்சை பெற்று வந்த வி.எஸ்.பாபுவின் உடல்நிலை கவலைக்கிடமாகி சிகிச்சை பலனளிக்காமல் மதியம் 2:24 மணிக்கு மாரடைப்பு ஏற்பட்டு அவர் உயிரிழந்திருப்பதாக மருத்துவமனை இப்போது அறிவித்திருக்கிறது.