எல்.ஐ.சியின் என்ட்ரிக்குப் பிறகு, மத்திய அரசின் பங்குகள் 50 சதவிகிதத்திற்கும் கீழ் குறைந்ததால், ஐ.டி.பி.ஐ வங்கியைத் தனியார் வங்கியாக வகைப்படுத்தியது இந்திய ரிசர்வ் வங்கி.
இந்த நடவடிக்கைகளும் இந்த வங்கியின் நிதி நிலைமையைச் சரிசெய்ய முடியவில்லை.
இதையடுத்துத்தான் வேறு ரூட்டை மாற்றிப் பார்க்கிறது மத்திய அரசு.
நிர்வாகக் கட்டுப்பாட்டை மாற்றிப் பார்த்தால் இந்த வங்கியின் நிதிச் செயல்பாடு மாறுபடும் என்பதுதான் மத்திய அரசின் நடவடிக்கையின் பிளான்.
ஐ.டி.பி.ஐயில் மத்திய அரசின் பங்கே இனி இருக்காதா?
இந்தக் கேள்விக்கான பதிலை மத்திய அமைச்சர் அஸ்வினி வைஷ்ணவ் நேற்று செய்தியாளர் சந்திப்பில் கூறியிருந்தார். அதாவது இந்த மாற்றம் நிதிச் சேவைத் துறையில் புதிய மூலதனத்தைக் கொண்டுவருவதோடு, அந்நிய நேரடி முதலீட்டையும் பெருக்கும்.
அடுத்ததாக, குறு, சிறு மற்றும் நடுத்தரத் தொழில் நிறுவனங்கள் (MSME), சிறு தொழில்கள் மற்றும் தொழிலதிபர்களுக்குப் புதிய வளர்ச்சி வாய்ப்புகளை உருவாக்கும்.
ஃபேர்ஃபாக்ஸ் நிறுவனத்தின் நிர்வாகத்தின் கீழ் வங்கி மறுசீரமைக்கப்பட்ட ஐ.டி.பி.ஐ வங்கியில் இந்திய அரசு மற்றும் எல்.ஐ.சி இணைந்து 34 சதவிகிதப் பங்குகளைத் தக்கவைத்துக்கொள்ளும்.
மத்திய நிதியமைச்சர் நிர்மலா சீதாராமனும் இந்த நடவடிக்கையை ‘மூலோபாய மறுசீரமைப்பு’ என்று குறிப்பிட்டிருக்கிறார்.
