அமெரிக்காவில் வருகிற நவம்பர் மாதம் நடக்கவுள்ள மிட் டேர்ம் தேர்தலை முன்னிட்டு, ஈரான் போர் தற்காலிகமாக நிறுத்தப்பட்டுள்ளது.
இந்தத் தற்காலிகப் போர் நிறுத்தம், நிரந்தரப் போர் நிறுத்தத்திற்கான பேச்சுவார்த்தைக் களமாக அமையும் என்று எதிர்பார்த்தால், அது நடக்காது போலும்.
ஈரானும் அமெரிக்காவும் மாறி மாறித் தொடர்ந்து குற்றம்சாட்டிக்கொண்டே இருக்கின்றன.
அணு ஆயுதம் இருக்கிறதா?
அமெரிக்க அதிபர் ட்ரம்ப், ஈரான் போர் தொடங்கியதே ஈரான் அணுசக்தி பெற்றிடக் கூடாது என்பதற்காகத்தான் என்று வலுவாகத் திரும்பத் திரும்பக் கூறுகிறார்.
ஆனால், ஈரானோ, “நாங்கள் அணு ஆயுதத்தை உருவாக்கவில்லை. நாங்கள் செறிவூட்டப்பட்ட யூரேனியத்தை மட்டும்தான் வைத்திருக்கிறோம்.
சர்வதேச அணுசக்தி முகமை நாங்கள் அணு ஆயுதம் தயாரிக்கிறோமா என்பதை நேரில் வந்து ஆய்வு செய்துகொள்ளலாம்.
ஆனால், அதற்கு முன், இஸ்ரேலிடம் அணு ஆயுதம் இருக்கிறதா என்பதை ஆய்வு செய்ய வேண்டும்” என்று கூறுகிறது.
